15:25, 10 - ماۋسىم 2023 | GMT +6
شاحباز شاريف قاسىم- جومارت توقايەۆتى پاكىستانعا رەسمي ساپارمەن كەلۋگە شاقىردى
استانا. قازاقپارات - پرەزيدەنت قاسىم- جومارت توقايەۆ پاكىستان پرەمەر- ءمينيسترى شاحباز شاريفپەن تەلەفون ارقىلى سويلەستى، دەپ حابارلايدى قازاقپارات اقورداعا سىلتەمە جاساپ.
پاكىستان تاراپىنىڭ باستاماسى بويىنشا قاسىم- جومارت توقايەۆ پەن شاحباز شاريف تەلەفون ارقىلى سويلەستى.
تاراپتار قازاقستان مەن پاكىستان اراسىنداعى ساۋدا- ەكونوميكالىق ىنتىماقتاستىقتىڭ پەرسپەكتيۆالارىن تالقىلادى.
سونداي- اق ەكى ەل اراسىنداعى ءوزارا ساۋدا- ساتتىقتىڭ قارقىندى دامىپ كەلە جاتقانى جانە ءتۇرلى سالاداعى ىنتىماقتاستىقتىڭ كەڭەيە تۇسكەنى اتاپ ءوتىلدى.
تاراپتار ەكىجاقتى قاتىناستاردى ودان ءارى نىعايتۋعا مۇددەلى ەكەنىن تاعى دا راستادى.
اڭگىمەلەسۋ سوڭىندا پرەمەر- مينيستر شاحباز شاريف پرەزيدەنت قاسىم- جومارت توقايەۆتى پاكىستانعا وزىنە ىڭعايلى كەز كەلگەن ۋاقىتتا رەسمي ساپارمەن كەلۋگە شاقىردى.