الماتى- قورعاس تاسجولىندا بەتون پليتالار كوتەرىلىپ كەتتى

الماتى. قازاقپارات - 8 -ماۋسىم كۇنى الماتى- قورعاس تاسجولىنىڭ 190-شاقىرىمىندا بەتون پليتالار كوتەرىلىپ كەتتى، دەپ حابارلايدى قازاقپارات ءتىلشىسى.

ونىڭ ۆيدەوسى الەۋمەتتىك جەلىدە تاراپ جاتىر.

بۇل اقپاراتتى «قازاۆتوجول» مەكەمەسىنىڭ باسپا ءسوز قىزمەتى دە راستادى.

«8 -ماۋسىم كۇنى شامامەن كەشكى ساعات 20:25-تە وڭتۇستىك باعىتتاعى جولدىڭ 190- شاقىرىمىندا جولدىڭ ءجۇرۋ بولىگىندە سەمەنت- بەتون جابىنى كوتەرىلىپ كەتتى. بۇگىنگى كۇنى جوعارىدا اتالعان ولقىلىقتى جويۋ جۇمىستارى اياقتالدى. كولىكتەردىڭ قاۋىپسىز قوزعالۋى قامتاماسىز ەتىلدى»، - دەپ جاۋاپ بەردى «قازاۆتوجول» ا ق باسپا ءسوز قىزمەتى.

ايتا كەتەيىك، وسىدان ەكى جىل بۇرىن كۇننىڭ قاتتى ىسۋىنان الماتى- قورعاس تاسجولىنىڭ 86 شاقىرىمىندا بەتون پليتالار قوزعالعان بولاتىن.