فۋتزالدان الەم چەمپيوناتىنا ىرىكتەۋ: قازاقستان قۇراماسىنىڭ قارسىلاستارى انىقتالدى

استانا. قازاقپارات - فۋتزالدان 2024-جىلعى الەم چەمپيوناتى ەليتالىق ىرىكتەۋ كەزەڭىنىڭ جەرەبەسى تارتىلدى، دەپ حابارلايدى قازاقپارات ءتىلشىسى.

قازاقستان فۋتزال قاۋىمداستىعىنان ءمالىم ەتكەنىندەي، قازاقستاندىقتار ا توبىندا رۋمىنيا، ازەربايجان جانە نيدەرلاند قۇرامالارىمەن باسەكەگە تۇسەدى.

توپ جەڭىمپازى 2024-جىلعى الەم چەمپيوناتىنا تىكەلەي جولداما الادى. ەكىنشى ورىن العان كوماندا پلەي-وفف كەزەڭىندە باق سىنايدى.

ەليتالىق كەزەڭنىڭ ويىندارى بيىلعى 11-20- قىركۇيەك، 2-11- قازان جانە 11-20- جەلتوقسان ارالىعىندا وتەدى.

ايتا كەتەيىك، قازاقستان فۋتزال قۇراماسى 2021-جىلعى الەم چەمپيوناتىندا ءتورتىنشى ورىنعا تابان تىرەگەن بولاتىن.