انتيكور الماتى وبلىسىنىڭ بارلىق دەڭگەيدەگى باسشىلارىنا كونۆەرت تاراتىپ جاتىر

None
قونايەۆ. قازاقپارات - انتيكور الماتى وبلىسىنىڭ بارلىق دەڭگەيدەگى باسشىلارىنا كونۆەرت جىبەرىپ جاتىر، دەپ حابارلايدى قازاقپارات ءتىلشىسى.

سىبايلاس جەمقورلىققا قارسى ءىس- قيمىل اگەنتتىگىنىڭ الماتى وبلىسى بويىنشا دەپارتامەنتى «كونۆەرتتەردە تەك حاتتار بولۋى كەرەك» اكسياسىن وتكىزدى.

شارا اياسىندا الماتى وبلىسىنىڭ جەرگىلىكتى اتقارۋشى ورگاندارىنىڭ باسشىلارىنا ياعني، وبلىس اكىمىنەن باستاپ، اۋداندىق ءبولىم جەتەكشىلەرىنە دەيىن كونۆەرتتەر تاراتىلدى. وندا جەمقورلىققا قارسى تاقىرىپتا بالالار سالعان سۋرەتتەر بار.

حاتتى الۋشىلاردىڭ ءبىرى - ىلە اۋدانى اكىمى اپپاراتىنىڭ باسشىسى ازامات جاندوسوۆ: «كونۆەرتتى الىپ، حاتتى وقىدىم. بۇرىن حاتتا تۋىستارى مەن جاقىندارىنا دەگەن ىشكى جان سىرى ساقتالاتىن بولعان، ال قازىر كونۆەرت تەرىس ماقساتتا پايدالانىلاتىندىعى جاسىرىن ەمەس. بالالاردىڭ سۋرەتتەرى كەرەمەت اسەر بەردى. مۇنداي كونۆەرتتەردى العان ءار ادام ءار قادامىن ويلاپ، ادال ەڭبەكتەنەدى دەپ ويلايمىن. وتە دۇرىس باستاما»، - دەدى.