ديماشتىڭ اندەرى چيلي راديوسىندا ءبىر اي بويى شىرقالادى

استانا. قازاقپارات - چيليدىڭ تانىمال MIX TV راديوسىنىڭ ەفيرىندە ديماش قۇدايبەرگەننىڭ كومپوزيتسيالارى ماۋسىم ايى بويى شىرقالاتىن بولادى. قازاقپارات بۇل تۋرالى dimashnews.com سايتىنا سىلتەمە جاساپ حابارلايدى.

چيلي راديوستانتسياسىندا قازاقستاندىق انشىگە ارنالعان العاشقى ەفير وتكەن جۇمادا – 2-ماۋسىمدا ءوتتى. بۇل Dimash Latin Dears فان- كلۋبىنىڭ ەڭبەگىنىڭ ارقاسىندا مۇمكىن بولدى.

ەندى د. قۇدايبەرگەننىڭ كومپوزيتسيالارى ماۋسىم ايى بويى كۇن سايىن تاڭعى 7 دەن 10 عا دەيىن ەفيرگە شىعادى.

«ءبىز ديماشتىڭ اندەرى چيلي راديوسىندا ۇزاق ۋاقىت بويى شىرقالاتىنىنا وتە قۋانىشتىمىز! سونىمەن قاتار ديماشقا ارنالعان باعدارلامادا تەك اندەر عانا ەمەس، Dears- ءتىڭ قۇتتىقتاۋلارى مەن ءارتىستىڭ شىعارماشىلىق ءومىربايانى باياندالادى!»، - دەپ ءبولىستى Dimash Latin Dears.