10:02, 01 - ماۋسىم 2023 | GMT +6
مەملەكەتتىك كۇزەت قىزمەتى نازاربايەۆتىڭ قاۋىپسىزدىگىن قامتاماسىز ەتپەۋى مۇمكىن
استانا. قازاقپارات - «ق ر مەملەكەتتىك كۇزەت قىزمەتى تۋرالى ەرەجەنى بەكىتۋ تۋرالى» ق ر پرەزيدەنتىنىڭ جارلىعىنا وزگەرىس ەنگىزىلمەك، دەپ حابارلايدى قازاقپارات ءتىلشىسى.
اشىق ن ق ا پورتالىندا جاريالانعان جارلىق جوباسىندا جازىلعانداي، ەندى مەملەكەتتىك كۇزەت قىزمەتىنىڭ (م ك ق) باستى فۋنكسياسى قاتارىنان ق ر تۇڭعىش پرەزيدەنتى - ەلباسىنىڭ قاۋىپسىزدىگىن قامتاماسىز ەتۋ مىندەتى الىنىپ تاستالماق.
«مىندەتتەرى - قازاقستان رەسپۋبليكاسى پرەزيدەنتىنىڭ جانە باسقا دا كۇزەتىلەتىن ادامداردىڭ قاۋىپسىزدىگىن قامتاماسىز ەتۋ»، - دەلىنگەن جاڭا رەداكسيادا.
قۇجاتقا قوسىمشا بەرىلگەن تۇسىندىرمەدە م ك ق- دەن نۇرسۇلتان نازاربايەۆتىڭ قاۋىپسىزدىگىن قامتاماسىز ەتۋ مىندەتى «ق ر تۇڭعىش پرەزيدەنتى - ەلباسى تۋرالى» ق ر كونستيتۋتسيالىق زاڭىنىڭ كۇشى جويىلۋىنا بايلانىستى الىنىپ تاستالىپ وتىرعانى كورسەتىلگەن.
مەملەكەت باسشىسىنىڭ جارلىق جوباسى 14-ماۋسىمعا دەيىن كوپشىلىك تالقىلاۋدا بولادى. كەيىن قول قويۋ ءۇشىن پرەزيدەنتكە جولدانادى.
اۆتور:
ءاليحان اسقار