رەسپۋبليكالىق جولداردىڭ بويىنا جانۋارلاردىڭ ماكەتى ورنالاستىرىلدى
اۆتوكولىكتەر جانۋارلاردى قاعىپ كەتۋ وقيعاسى ءجيى تىركەلگەن رەسپۋبليكالىق اۆتوتراسسالاردىڭ ۋچاسكەلەرىندە جانۋارلاردىڭ ماكەتتەرى ورناتىلدى. بيىل بۇل جۇمىس پاۆلودار جانە قوستاناي وڭىرلەرىندە ورنالاسقان رەسپۋبليكالىق تاس جولداردا العاش رەت قولعا الىنىپ، قاۋىپتى ۋچاسكەلەردە 40-قا جۋىق جاڭا ماكەتتەر قويىلدى.
ەسكەرتۋ ماكەتتەرى تۇنگى ۋاقىتتا جانە اۋا رايى قولايسىز بولعاندا انىق كورىنۋى ءۇشىن ولارعا جارىق شاعىلىستىراتىن ارنايى ەلەمەنتتەر جابىستىرىلادى. بۇل جولعا نازار اۋدارۋ قاجەتتىگىن ەسكە سالۋدىڭ، قاۋىپتى ۋچاسكەلەردەگى جىلدامدىقتى تومەندەتۋدىڭ ءتيىمدى ءتاسىلى.
جانۋارلاردىڭ ماكەتتەرى وسىعان دەيىن اقمولا، الماتى، اقتوبە، شىعىس قازاقستان، باتىس قازاقستان، سولتۇستىك قازاقستان جانە ماڭعىستاۋ وبلىستارىنىڭ رەسپۋبليكالىق جولدارىنىڭ بويىنا ورناتىلعان بولاتىن.