استانادا وسى جازدا جاڭا اۋىز سۋ ستانساسى ىسكە قوسىلىپ، سۋ قىسىمى قالپىنا كەلەدى - اكىم

استانا. قازاقپارات - استانا اكىمى جەڭىس قاسىمبەك قالاداعى اۋىز سۋ پروبلەماسىنا پىكىر ءبىلدىردى، دەپ حابارلايدى قازاقپارات.

«وزدەرىڭىز بىلەتىندەي، بىرەر ايدان بەرى «استانا سۋ ارناسى» سۋ قىسىمىن تومەندەتۋگە ءماجبۇر بولدى. كەيبىر تۇرعىن ءۇي كەشەندەرىندە سورعىلارىنا بايلانىستى قيىندىق تۋىندادى، ماماندار ارنايى بارىپ، باسقارۋشى كومپانيالارعا جۇيەلەردى جوندەۋ ىسىنە كومەكتەستى. ماۋسىم ايىنان باستاپ ءبىز جاڭا اۋىز سۋ ستانسياسىن (س س س-3) كەزەڭ- كەزەڭىمەن قولدانىسقا بەرە باستايمىز: الدىمەن ىسكە قوسۋ ءارى جوندەۋ جۇمىسى جۇرگىزىلىپ، جۇيەنى تەكسەرەمىز، سودان كەيىن كۇنىنە 35 مىڭ تەكشە مەتر سۋ بەرەمىز. تامىز ايىندا كۇنىنە 105 مىڭ تەكشە مەتر كولەمدە ىسكە قوسۋدى جوسپارلاپ وتىرمىز» دەپ جازدى اكىم Facebook پاراقشاسىندا.

ونىڭ ايتۋىنشا، بۇل قالاداعى سۋمەن جابدىقتاۋ ماسەلەسىن تولىعىمەن شەشۋگە مۇمكىندىك بەرەدى. ونىڭ ىشىندە قۇرىلىس جۇمىسى ءجۇرىپ جاتقان اۋداندار دا بار.

الدىمىزدا جىلىتۋ ماۋسىمىنىڭ ماسەلەسى دە بار. قالا ءوسىپ كەلەدى، تۇرعىن ءۇي، الەۋمەتتىك جانە وزگە دە نىساندار سانى ارتىپ كەلەدى. ونىڭ ءبارىن جىلىتۋ كەرەك.

قالامىزدا جىلىتۋ ماۋسىمى ورتا ەسەپپەن العاندا 7-8 ايعا سوزىلادى. مۇنىڭ ءبارى تىرشىلىكتى قامتاماسىز ەتۋ جۇيەسىنىڭ نىساندارىنا ۇلكەن كۇش تۇسىرەدى.

«اتالمىش ماسەلەنى شەشۋ ءۇشىن وسىعان دەيىن ەكى گاز جىلىتۋ ستانسياسىنىڭ («تۇران»، «وڭتۇستىك- شىعىس» ) قۇرىلىسى باستالعان بولاتىن. سونداي- اق ج ە و-3 بويىنشا دا جۇمىس ءجۇرىپ جاتىر، ول قۇرىلىسى ۇزاققا سوزىلعان نىسانعا اينالدى. وسى نىسانداردىڭ قۇرىلىسىن اياقتاپ، 2023-2024 -جىلىتۋ ماۋسىمىنا ولاردىڭ قۋاتىن ەسكەرە وتىرىپ، ىسكە قوسۋدى مىندەتتەدىم. مەردىگەرلەر جاۋاپكەرشىلىكتى تولىقتاي ءبىلۋى كەرەك» دەيدى جەڭىس قاسىمبەك.