پرەزيدەنت جارلىعىمەن باس پروكۋراتۋرانىڭ قۇرىلىمى وزگەردى

استانا. قازاقپارات - مەملەكەت باسشىسى قاسىم-جومارت توقايەۆ ق ر باس پروكۋراتۋراسىنىڭ قۇرىلىمىن وزگەرتۋ تۋرالى پرەزيدەنت جارلىعىنا قول قويدى، دەپ حابارلايدى قازاقپارات ءتىلشىسى.

جارلىقتا جازىلعانداي، ەندى ق ر باس پروكۋراتۋراسىنىڭ قۇرىلىمى مىناداي بولماق:

- باسشىلىق؛

- اپپارات؛

- سوتقا دەيىنگى تەرگەپ-تەكسەرۋدىڭ جانە قىلمىستىق قۋدالاۋدىڭ زاڭدىلىعىن قاداعالاۋ قىزمەتى (جاڭا قىزمەت)؛

- زاڭدى كۇشىنە ەنگەن ۇكىمدەردىڭ زاڭدىلىعىن جانە ولاردىڭ ورىندالۋىن قاداعالاۋ قىزمەتى؛

- قوعامدىق مۇددەنى قورعاۋ قىزمەتى؛

- سوتقا دەيىنگى تەرگەپ-تەكسەرۋ قىزمەتى (جاڭا قىزمەت)؛

- حالىقارالىق-قۇقىقتىق ىنتىماقتاستىق قىزمەتى؛

- كادرلىق جۇمىس دەپارتامەنتى (بۇرىنعى كادرلاردى دامىتۋ دەپارتامەنتى)؛

- وزىندىك قاۋىپسىزدىك دەپارتامەنتى (بۇرىنعى ىشكى تەرگەۋ دەپارتامەنتى)؛

- ستراتەگيالىق دامۋ دەپارتامەنتى؛

- جەدەل-ىزدەستىرۋ، قارسى بارلاۋ قىزمەتى مەن جاسىرىن تەرگەۋ ارەكەتتەرىنىڭ زاڭدىلىعىن قاداعالاۋ دەپارتامەنتى؛

- نورما شىعارماشىلىق قىزمەتىن ۇيلەستىرۋ دەپارتامەنتى؛

- جولدانىمدارمەن جۇمىس جانە ءىس جۇرگىزۋ دەپارتامەنتى؛

- قارجى دەپارتامەنتى؛

- مەملەكەتتىك قۇپيانى قورعاۋ باسقارماسى؛

- ىشكى اۋديت باسقارماسى؛

- اقپاراتتىق قاۋىپسىزدىك باسقارماسى.

ۆەدومستۆو قۇرامىنان ارنايى پروكۋرورلار جانە قىلمىستىق قۋدالاۋ قىزمەتتەرى الىنىپ تاستالعان.