قازاق- وزبەك شەكاراسىنداعى وتكىزۋ بەكەتتەرىنىڭ جۇمىسى كۇشەيتىلگەن رەجىمگە كوشتى
مەملەكەتتىك كىرىستەر كوميتەتى، شەكارا قىزمەتى جانە ق ر سىرتقى ىستەر مينيسترلىگىنەن جاساقتالعان ۆەدومستۆوارالىق جۇمىس توبى قازاق- وزبەك شەكاراسىنا باردى. ولار كورشىلەس مەملەكەتتىڭ ۋاكىلەتتى مەملەكەتتىك ورگاندارىمەن جەدەل جيىن وتكىزدى. ماسەلەسى كۇردەلى ايماقتار تىزبەسى ءتۇزىلدى، سونداي-اق تاراپتار شەكاراداعى كەپتەلىستەر بويىنشا پروبلەمالى اسپەكتىلەردى جەدەل شەشۋ بويىنشا ءتيىستى كەشەندى ءىس-شارالار قابىلدادى.
اتاپ ايتقاندا، كولىكتەر اعىمىن قايتا ءبولۋ جۇزەگە اسىرىلدى (ولاردىڭ ايتارلىقتاي كولەمى رەكونسترۋكتسيالانعان «ب. قونىسبايەۆ» وتكىزۋ پۋنكتىنە جولداندى)، وتكىزۋ پۋنكتەرى كۇشەيتىلگەن جۇمىس رەجيمىنە اۋىستىرىلدى، شەكارا ارقىلى اۆتوكولىكتەردىڭ ءوتۋى بويىنشا باقىلاۋ وپەراتسيالارىن جىلدام جاساۋ ءۇشىن كەدەن بەكەتتەرىنىڭ شتاتى قايتا جاساقتالدى. مەملەكەتتىك كىرىستەر كوميتەتىنىڭ باس ديسپەتچەرلىك باسقارماسى جۇكتەردى شىعارۋ ءۇشىن تاۋلىك بويى جۇمىس رەجيمىنە كوشتى.
قوس باعىتتا جۇكتەر مەن كولىك قۇرالدارىن قابىلداۋدى ارتتىرۋ جانە شەكارادا باقىلاۋ وپەراتسيالارىن جىلدام جۇرگىزۋ بويىنشا كورشى تاراپتىڭ مەملەكەتتىك ورگاندارىمەن كەلىسسوزدەر جۇرگىزىلدى (كەدەن، شەكارا جانە باسقا دا قىزمەتتەر).
«جۇمىس توبى جاقىن كۇندەرى بارلىق وتكىزۋ پۋنكتەرىنىڭ جۇمىس بارىسىن ەكى تاراپتان دا باقىلايتىن بولادى.
وزبەكستانمەن شەكاراداعى وتكىزۋ پۋنكتەرىنىڭ وتكىزۋ قابىلەتىن جانە تاۋار اينالىمىن ارتتىرۋ بويىنشا جۇمىس جالعاساتىن بولادى»، - دەپ جازدى مەملەكەتتىك كىرىستەر كوميتەتىنەن.
ەسكە سالساق، ماۋسىمدىق كەزەڭگە بايلانىستى، مامىر ايىنان باستاپ قازاقستانعا وزبەكستاننان جەمىس-جيدەك ونىمدەرىن اكەلۋ ءداستۇرلى تۇردە ۇلعايعان (ونىڭ ىشىندە رەسەي فەدەراتسياسىنا ترازيتپەن جونەلتىلەدى). بۇگىنگى تاڭدا، تۇركىستان وبلىسى بويىنشا مەملەكەتتىك كىرىستەر دەپارتامەنتىنىڭ 3 كەدەن بەكەتىمەن تاۋلىگىنە ورتا ەسەپپەن 900-1000 جۇك كولىك قۇرالى وتكىزىلەدى («ب. قونىسبايەۆ» - 500، «قازىعۇرت» -200، «اتامەكەن» -200، «قاپلانبەك» (ق ر) جانە وزبەكستاننىڭ جاپسارلاس كەدەن بەكەتىقۇرىلىس كەزەڭىنە تولىعىمەن جابىلعان).
