اباي وبلىسىنداعى ءورت: بىرنەشە ەلدى مەكەنگە قاۋىپ ءتوندى
باسپا ءسوز قىزمەتىنىڭ مالىمەتتەرىنە قاراعاندا، جەلدىڭ كۇشەيۋىنە بايلانىستى تۇزدى كول اۋدانىنداعى ءۇشىنشى ۋچاسكەدە ءورت تومەننەن جوعارىعا اۋىستى. ءورتتى ءسوندىرۋ ءۇشىن 20 تەحنيكا، جەكە قۇرامنان 64 ادام جۇمىلدىرىلدى.
ءورتتىڭ تارالۋىنىڭ الدىن الۋ ماقساتىندا ماڭايداعى جەرلەر جىرتىلدى. الدىن الا بولجام بويىنشا ءورتتىڭ اۋدانى 1500 گەكتاردى قۇرايدى.
بەرەزوۆكا ساناتوريى (108 ادام، 36 ءۇي)، بەرەزوۆكا پودحوزى (169 ادام، 53 ءۇي) ەلدى مەكەندەرىنە قاۋىپ ءتوندى. ءورت ورنىنا دەيىنگى قاشىقتىق شامامەن 5-7 ك م. ول جەرگە 4 تەحنيكا باعىتتالدى.
ورمان ءورتىن سوندىرۋگە بارلىعى 100 تەحنيكا (ونىڭ ىشىندە 1 ءورت پوەزى) جانە 2 تىكۇشاق، سونداي-اق 402 ادام («سەمەي ورمانى» موتر-66 بىرلىك تەحنيكاسى، 231 ادام، ت ج م 28 تەحنيكاسى، 1 تىكۇشاعى، 144 ادام، ق ت ج 1 ءورت پويىزى، 10 ادام، جاو 5 بىرلىك تەحنيكاسى، 7 ادام، قازاۆياورمان قورعاۋدىڭ 1 تىكۇشاعى، 6 ادام ەكيپاجى، 1 ۋاز، 4 ادام) جۇمىلدىرىلدى.
سونداي-اق، ورمان ءورتىن «قازاۆياقۇتقارۋ» ا ق م ي-873 جانە سۋ اعىزۋ قۇرىلعىسى بار م ي-8 تىكۇشاقتارى ءسوندىرىپ جاتىر. قازىرگى ۋاقىتتا 59 رەت سۋ اعىزىلدى (157,5 توننا).
ت ج م- دە جانە دەپارتامەنتتىڭ داعدارىس ورتالىعىندا، سونداي-اق جەرگىلىكتى جەردە جەدەل شتابتار ۇيىمداستىرىلدى. جەدەل جەلى تەلەفوندارى جۇمىس ىستەپ تۇر.
«قازگيدرومەت» دەرەكتەرى بويىنشا 24-26- مامىردا اباي وبلىسىنىڭ بورودۋليحا اۋدانىندا ەكپىنى 15-20 م/س دەيىن بولاتىن سولتۇستىك-شىعىسقا باعىتتالعان جەل كۇتىلەدى.
وسىعان دەيىن اباي وبلىسىنداعى ءورتتىڭ 1,1 گەكتارعا تاراعانىن جازدىق.
سونداي-اق «قازاۆياقۇتقارۋ» مەكەمەسىنىڭ تىكۇشاعى جۇمىلدىرىلعانىن حابارلادىق.
