اباي وبلىسىنداعى ءورتتى سوندىرۋگە «كازاۆياقۇتقارۋ» مەكەمەسىنىڭ تىكۇشاعى تارتىلدى

استانا. قازاقپارات - اباي وبلىسىنداعى ءورتتى ءسوندىرۋ ءۇشىن «كازاۆياقۇتقارۋ» مەكەمەسىنىڭ تىكۇشاعى تارتىلدى، دەپ حابارلايدى قازاقپارات ق ر توتەنشە جاعدايلار مينيسترلىگىنىڭ باسپا ءسوز قىزمەتىنە سىلتەمە جاساپ.

ءباسپاسوز قىزمەتىنىڭ مالىمەتتەرىنە قاراعاندا، ءورتتى ءسوندىرۋ كەزىندەگى ۇلكەن جۇكتەمەگە بايلانىستى بىردەن 2 ەكيپاج جۇمىلدىرىلدى.

ءبىرىنشى ەكيپاج قۇرامىندا: اۋە كەمەسىنىڭ كومانديرى مۇرات مۇسابەكوۆ، ۇشقىش الىشەر بازاربايەۆ، بورتمەحانيك ءسابيت قوجامجاروۆ، بورتوپەراتور بەرەكەت تاجىكبايەۆ بار.

2 ەكيپاج: اۋە كەمەسىنىڭ كومانديرى ەۆگەنيي گونچاروۆ، ەكىنشى ۇشقىش ولەگ الفەيەۆ، بورتمەحانيك- نۇسقاۋشى ەۆگەني زۋبەنكو. ينجەنەرلىك- اۆياتسيالىق قۇرامدا ۆ2 جەتەكشى ينجەنەرى سەرگەي دولگوۆ، ۆ1 اۆياتەحنيگى ديار سازانوۆ ۇسىنىلدى.

جەدەل دەرەكتەر بويىنشا ورتەنگەن اۋماق الدىن الا دەرەك بويىنشا 1100 گەكتاردى قۇرادى. ءورتتى سوندىرۋگە 200 دەن استام ادام جانە 100 دەن ارتىق تەحنيكا جۇمىلدىرىلدى.

«قازىرگى ۋاقىتتا سۋ توگەتىن قۇرىلعىنىڭ كومەگىمەن 9 سۋ رەت توگىلدى. جالپى كولەمى 27 توننانى قۇرايدى. جۇمىس جالعاسۋدا»، - دەلىنگەن حابارلامادا.

وسىعان دەيىن اباي وبلىسىنداعى ءورتتىڭ 1,1 گەكتارعا تاراعانىن جازدىق.