الماتىدا اۆستراليالىق ازامات جوعالىپ كەتتى

استانا. قازاقپارات - اۆستراليالىق ازامات الماتى تاۋىندا ءىز- ءتۇسسىز جوعالىپ كەتتى. شەتەلدىك ءتۋريستىڭ جوعالۋى تۋرالى اقپاراتتى الدىمەن ەرىكتىلەر الەۋمەتتىك جەلىگە جازعان بولاتىن.

كۋاگەرلەردىڭ ايتۋىنشا شەتەلدىك ازاماتتى، ولار سوڭعى رەت حوستەلدەن كورگەن ەكەن. ول تاۋعا كوتەرىلىپ، ۇلكەن الماتى كولىن، كورگىسى كەلەتىنىن ايتىپتى. سودان كەيىن اۆستراليالىق ازاماتتى ەشكىم بايقاماعان. قازىر وسى ايماقتا 70 ادام ىزدەستىرۋ جۇمىستارىن جۇرگىزۋدە. ولاردىڭ اراسىندا 40 قۇتقارۋشى جانە 30 دان اسا ەرىكتى بار. 7 قۇتقارۋ تەحنيكالارى جۇمىلدىرىلعان.

شاكىرجان قاسىموۆ، الماتى قالاسى ت ج د توتەنشە جاعدايلاردى جويۋ باسقارماسىنىڭ باسشىسى:

- 22- مامىر كۇنى تۇنگى 22 ساعان 25 مينۋتتا الماتى قالاسى توتەنشە جاعدايلار دەپارتامەنتى جەدەل باسقارۋ ورتالىعىنىڭ جەدەل كەزەكشىسىنەن ۇلكەن الماتى كولىنىڭ شاتقالىندا 95 -جىلى تۋعان اۆستراليا ازاماتىنىڭ ءىز- ءتۇزسىز جوعالعانى تۋرالى حابارلاما كەلىپ ءتۇستى. قازىرگى ۋاقىتتا ۇلكەن الماتى شاتقالىندا جانە كىشى الماتى شاتقالىندا بارلىق باعىتتا ىزدەۋ جۇمىستارى جالعاسۋدا. وعان قالانىڭ بارلىق قۇتقارۋشى كۇشتەرى جۇمىلدىرىلعان. بۇل جەردە جەدەل شتاب قۇرىلدى.

www.24.kz