16:41, 23 - مامىر 2023 | GMT +5
قازاقستاندا ۇشىپ كەلە جاتقان ەكى اۋە كەمەسىنە قۇستار سوعىلدى
استانا. قازاقپارات - قازاقستانداعى لوۋكوستەر FlyArystan كومپانياسىنىڭ ۇشىپ كەلە جاتقان ەكى اۋە كەمەسىنە قۇستار سوعىلدى.
بۇل ۇشاقتار تۇركىستان - استانا جانە قوستاناي - استانا باعىتى بويىنشا ساپارعا شىققان، دەپ حابارلايدى قازاقپارات ءتىلشىسى.
بۇل اقپاراتتى اۋە كومپانياسىنىڭ بايلانىس ورتالىعى راستادى. FlyArystan وكىلدەرى وسى وقيعا سالدارىنان استانا - قوستاناي جانە قوستاناي - شىمكەنت باعىتى بويىنشا باسقا رەيستەر كەيىنگە شەگەرىلگەنىن حابارلادى. ۇشاقتاردىڭ شىعۋ ۋاقىتى ساعات 18:15 كە جانە 20:00 گە اۋىستىرىلدى.
«بيلەت قۇنى تولىق قايتارىلادى نەمەسە باسقا كۇنگە قايتادان بيلەت الۋعا بولادى. بۇل جۇمىستار اقىسىز ىسكە اسىرىلادى»، - دەلىنگەن FlyArystan بايلانىس ورتالىعى مالىمەتىندە.
جاقىندا FlyArystan ۇشاعىنا نايزاعاي ءتۇسىپ، اۋە كەمەسى شۇعىل تۇردە قونۋعا ءماجبۇر بولدى.
