دارىگەرلەر الماتىدا كولىك قاعىپ كەتكەن بالانىڭ جاعدايى تۋرالى ايتتى

الماتى. قازاقپارات - الماتىلىق دارىگەرلەر Alma City تۇرعىن ءۇي كەشەنىنىڭ اۋلاسىندا Daewoo Nexia جۇرگىزۋشىسى قاعىپ كەتكەن قىزدىڭ جاعدايىن باعالادى، دەپ حابارلايدى قازاقپارات ءتىلشىسى.

الماتى قالالىق قوعامدىق دەنساۋلىق ساقتاۋ باسقارماسى زارداپ شەگۋشىنىڭ قىز بالا ەكەنىن ءمالىم ەتتى. ول 2№ قالالىق بالالار كلينيكالىق اۋرۋحاناسىنىڭ قابىلداۋ بولىمىنە باس، يىق جانە اياق جاراقاتتارىمەن جەتكىزىلدى.

«قابىلداۋ بولىمىندە كىشكەنتاي قىزدى نەيروحيرۋرگ، تراۆماتولوگ جانە حيرۋرگ قارادى. جاعدايى تۇراقتى، ەسىن بىلەدى. باس تەرىسىندە گەماتوما بولدى. رەنتگەنوگرافيا - ەكى پروەكتسيادا جاسالدى. تەكسەرۋدەن جانە مەديتسينالىق كومەكتەن كەيىن ول امبۋلاتورلىق ەمدەۋگە جىبەرىلدى»، - دەپ حابارلادى قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتى.

بۇعان دەيىن الەۋمەتتىك جەلىدە Daewoo Nexia كولىگىنىڭ بالانى قاعىپ، ويىن الاڭىنا كىرىپ كەتكەن ۆيدەوسى پايدا بولعان.