جاساندى ينتەللەكت قاتەرلى ىسىكتى دياگنوزدان ءۇش جىل بۇرىن انىقتاي الادى

استانا. قازاقپارات - ۇيقى بەزىنىڭ قاتەرلى ىسىگى ەڭ قاۋىپتى ونكولوگيالىق اۋرۋلاردىڭ ءبىرى سانالادى. ويتكەنى ونى ەمدەۋ وتە قيىن، تەز دامىپ، مەتاستاز بەرەدى.

ادەتتە، تەك اۋرۋدىڭ كەيىنگى كەزەڭدەرىندە عانا دياگنوز قويىلادى. قازىرگى ۋاقىتتا بۇل اۋرۋمەن 5 جىل ءومىر ءسۇرۋ دەڭگەيى تەك %9 قۇرايدى، بۇل كوبىنەسە دياگنوزدىڭ كۇردەلىلىگىنە بايلانىستى. عالىمداردىڭ پىكىرىنشە، جاعدايدى جاقسارتۋ ءۇشىن ءتيىمدى جانە قولجەتىمدى دياگنوستيكالىق ءادىس قاجەت، ال جاساندى ينتەللەكت بۇعان كومەكتەسە الادى. جاقىندا جۇرگىزىلگەن زەرتتەۋگە سايكەس، جاساندى ينتەللەكت (جي نەمەسە AI) دياگنوز قويىلعانعا دەيىن ءۇش جىل بۇرىن ۇيقى بەزىنىڭ قاتەرلى ىسىگىنىڭ دامۋ قاۋپى جوعارى ادامداردى انىقتاي الدى.

جاساندى ينتەللەكت قاتەرلى ىسىكتىڭ ەڭ قاۋىپتى تۇرلەرىنىڭ ءبىرىن الدىن الا بولجاۋدى ۇيرەندى.

ۇيقى بەزىنىڭ قاتەرلى ىسىگىنىڭ دياگنوستيكاسى - قانداي قيىندىق بار؟

ءسۇت بەزى، پروستاتا نەمەسە جاتىر موينى وبىرى سياقتى كوپتەگەن ىسىكتەردى دياگنوستيكالاۋ وتە وڭاي. ول ءۇشىن مامموگرافيا جاسالادى نەمەسە قان سىناعى الىنادى. دەگەنمەن، ۇيقى بەزىنىڭ قاتەرلى ىسىگىن انىقتاۋ الدەقايدا قيىن. سكرينينگ تەك قىمبات ەمەس، سونىمەن قاتار بەلگىلى ءبىر قاۋىپتەرى دە بار.

سوندىقتان تۇراقتى تەكسەرۋ تەك گەنەتيكالىق بەيىمدىلىگى بار ادامدارعا تاعايىندالادى، ياعني ولاردىڭ وتباسىندا، ولاردىڭ جاقىن تۋىستارىندا اۋرۋ جاعدايلارى بولسا عانا. ۇيقى بەزىنىڭ قاتەرلى ىسىگىن دياگنوستيكالاۋدىڭ قاراپايىم جانە ءتيىمدى ادىستەرى بۇگىنگە دەيىن جوق. راس، عالىمدار جاقىندا قۇرتتاردىڭ كومەگىمەن قاتەرلى ىسىك اۋرۋىن انىقتاي الدى، ءبىراق بۇل ءادىس ءالى كۇنگە دەيىن مەديتسينادا قولدانىلمايدى.

وسى سەبەپتى ەرتە كەزەڭدە اۋرۋ تەك تار ساناتتاعى ادامدار اراسىندا انىقتالادى. تۇقىم قۋالاۋشىلىقپەن بايلانىستى ەمەس بارلىق باسقا جاعدايلار ادەتتە بايقالمايدى. سونىمەن قاتار، ۇيقى بەزىنىڭ قاتەرلى ىسىگىن ەرتە كەزەڭدە انىقتاۋ بەس جىلدىق ءومىر ءسۇرۋ دەڭگەيىن %44 دەيىن ارتتىرۋعا

ۇيقى بەزىنىڭ قاتەرلى ىسىگىن دەر كەزىندە دياگنوستيكالاۋ بەس جىلدىق ءومىر ءسۇرۋ دەڭگەيىن %9 دان %44 عا دەيىن ارتتىرۋعا مۇمكىندىك بەرەدى

سوندىقتان اۋرۋ قاۋپى بار جانە تۇراقتى سكرينينگتى قاجەت ەتەتىن ادامداردىڭ بارلىق ساناتتارىن انىقتاۋ وتە ماڭىزدى. امەريكالىق عالىمداردىڭ جاقىندا جۇرگىزگەن زەرتتەۋى كورسەتكەندەي، جاساندى ينتەللەكت بۇل تاپسىرمانى ءتيىمدى ورىندايدى جانە بۇل ءۇشىن تەك مەديتسينالىق جازبادان الىنعان مالىمەت قاجەت.

جاساندى ينتەللەكت ءدال دياگنوز قويادى

جۇمىستىڭ اۆتورلارى اۋرۋ تاريحى مەن ۇيقى بەزىنىڭ قاتەرلى ىسىگىنىڭ دامۋ قاۋپى اراسىنداعى بايلانىستى انىقتاۋ ءۇشىن الگوريتمدى وقىتقان. ول ءۇشىن جاساندى ينتەللەكتكە دانيا مەن اقش- تان كەلگەن 9 ميلليون ناۋقاستىڭ مەديتسينالىق جازبالارىن تالداۋعا بەرىلگەن. AI ءارتۇرلى اۋرۋلاردى، سونداي-اق ولاردىڭ پايدا بولۋ ۋاقىتى مەن دايەكتىلىگىن، قاتەرلى ىسىككە دەيىنگى باسقا زاڭدىلىقتاردى ەسكەرگەن.

Nature Medicine جۋرنالىندا جاريالانعان زەرتتەۋدە حابارلانعانداي، AI بۇل تاپسىرمانى جاقسى ورىندادى، ياعني انىقتالعان قاۋىپ بەلگىلەرىنە سۇيەنە وتىرىپ، ول بولاشاقتا قاي ناۋقاستاردا ۇيقى بەزىنىڭ قاتەرلى ىسىگى دامۋى مۇمكىن ەكەنىن بولجاي الدى. ءبىر قىزىعى، الگوريتم انىقتاعان كوپتەگەن بەلگى ۇيقى بەزىنە تىكەلەي قاتىستى ەمەس.

جاساندى ينتەللەكت ءدال دياگنوز قويادى. ءوت تاستارى ۇيقى بەزىنىڭ قاتەرلى ىسىگىنىڭ دامۋ قاۋپىن ارتتىرادى

مىسالى، ءوت قابىنداعى تاستار، انەميا، 2 ءتيپتى قانت ديابەتى جانە اسقازان- ىشەك جولدارىمەن بايلانىستى باسقا دا ماسەلەلەر قاۋىپتىڭ جوعارىلاۋىن كورسەتەدى. مۇنداي بەلگىلەرى بار ادامدار ادەتتە ءۇش جىل ىشىندە قاتەرلى ىسىككە شالدىعۋى مۇمكىن. ۇيقى بەزىنىڭ قابىنۋى بار ناۋقاستاردا قاتەرلى ىسىك ودان دا قىسقا ۋاقىت ىشىندە دامۋى مۇمكىن.

ايتا كەتۋ كەرەك، سيمپتومداردىڭ ەشقايسىسى ادامنىڭ ۇيقى بەزىنىڭ قاتەرلى ىسىگىنىڭ دامۋى مۇمكىن ەكەنىن كورسەتپەيدى.

زەرتتەۋشىلەر ءوز جۇمىستارىندا AI مودەلدەرىنىڭ ءارتۇرلى نۇسقالارىن پايدالاندى. بۇل رەتتە ءاربىر مودەلدىڭ الدىندا ءارتۇرلى ۋاقىت كەزەڭدەرى – 6 اي، 1 جىل، 2 جىل جانە 3 جىل دەرەكتەرى نەگىزىندە اۋرۋدىڭ دامۋ قاۋپى جوعارى ادامداردى انىقتاۋ مىندەتى تۇرعان. جاساندى ينتتەللەكت بۇل تاپسىرمانى دۇرىس ورىنداعان.