ەلىمىزدە ءار وتباسىنىڭ قانشالىقتى باقۋاتتى تۇراتىنىن ايقىندايتىن ادىستەمە جاسالدى
بۇل ازاماتتارعا وتباسىنىڭ سيفرلىق كارتاسى ارقىلى الەۋمەتتىك قولداۋ شارالارىن پرواكتيۆتى ۇسىنۋعا نەگىز بولادى، دەپ حابارلايدى قازاقپارات.
1-قاڭتاردان باستاپ رەسپۋبليكادا وتباسىنىڭ تسيفرلىق كارتاسى ىسكە قوسىلدى، ونىڭ باستى ماقساتى - قازاقستاندىقتاردىڭ مەملەكەتتىك قولداۋ جۇيەسىنە تەڭ قولجەتىمدىلىگىن قامتاماسىز ەتۋ.
و س ك مەملەكەتتىك ورگانداردىڭ بارلىق قولدانىستاعى اقپاراتتىق جۇيەلەرىنەن الىنعان مالىمەتتەر نەگىزىندە قۇرىلادى.
وندا قازاقستاننىڭ 19,5 ميلليوننان استام ازاماتى نەمەسە 6,3 ميلليون وتباسى تۋرالى اقپارات جيناقتالعان.
وتباسىنىڭ الەۋمەتتىك ءال-اۋقاتىنىڭ دەڭگەيى مىناداي كورسەتكىشتەردى تالداۋ نەگىزىندە ايقىندالادى:
- كىرىس پەن كرەديتتىىڭ بار-جوعى؛
- جۇمىستىڭ بار-جوعى (وتباسىنىڭ ەڭبەككە قابىلەتتى مۇشەسىنىڭ جۇمىسپەن قامتىلۋى)؛
- تۇرعىن ءۇيدىڭ، جەكە قوسالقى شارۋاشىلىقتىڭ، جەر ۋچاسكەسىنىڭ بار-جوعى؛
- جىلجىمالى مۇلىكتىڭ بار-جوعى؛
- الەۋمەتتىك قورعاۋ سالاسىنداعى قىزمەتتەرمەن قامتاماسىز ەتۋ؛
- دەنساۋلىق ساقتاۋ سالاسىنداعى قىزمەتتەرمەن قامتاماسىز ەتۋ؛
- ءبىلىم سالاسىنداعى قىزمەتتەرمەن قامتاماسىز ەتۋ.
وتباسىن (ادامدى) تالداۋ قورىتىندىسى بويىنشا ولاردىڭ الەۋمەتتىك جاعدايىنا سايكەس جوعارىدا اتالعان ءاربىر كورسەتكىش بويىنشا بەرىلگەن بالداردى جيناقتاۋ جولىمەن 5 ساناتقا بولىنەدى:
- جاقسى دەڭگەي، 1800 جانە ودان جوعارى بالل؛
- قاناعاتتانارلىق دەڭگەي، 730 دان 1799 باللعا دەيىن؛
- تومەن دەڭگەي، مينۋس 30 دان 729 باللعا دەيىن؛
- داعدارىس دەڭگەي، مينۋس 460 تان مينۋس 29 باللعا دەيىن؛
- مۇشكىل دەڭگەي، مينۋس 459 باللعا دەيىن.
قاناعاتتانارلىق دەڭگەي وتباسىنىڭ (ادامنىڭ) ءوز جاعدايىن جەڭە الاتىندىعىن بىلدىرەدى، قاجەت بولعان جاعدايدا ءتيىستى مەملەكەتتىك ورگاندارعا كونسۋلتاتسيالىق جانە ادىستەمەلىك قولداۋ كورسەتىلۋى مۇمكىن.
تومەن دەڭگەيدە وتباسى نەمەسە ادام ءتيىستى مەملەكەتتىك ورگانداردىڭ كومەگى مەن قولداۋى شارتىمەن ءوز ماسەلەلەرىن دەربەس شەشە الادى.
داعدارىس دەڭگەيىندەگى ازاماتتار كۇردەلى ماسەلەلەردى ءوز بەتىنشە شەشە المايدى جانە ولاردىڭ جاعدايىن جاقسارتۋ ءۇشىن مەملەكەتتىك ورگاندار تاراپىنان كەشەندى كومەك قاجەت.
قيىن جاعدايعا تاپ بولعان وتباسى قارجىلىق قيىندىقتارعا تاپ بولادى جانە ءوزىنىڭ نەگىزگى قاجەتتىلىكتەرىن قاناعاتتاندىرا المايدى.
بۇل جاعدايدا ءتيىستى مەملەكەتتىك ورگانداردىڭ شۇعىل ارالاسۋى قاجەت.
ومىرلىك قيىن جاعدايعا تاپ بولعان ازاماتتار الەۋمەتتىك تولەمدەر مەن جۇمىسپەن قامتۋعا جاردەمدەسۋدى قوسا العاندا، مەملەكەتتەن كەشەندى قولداۋ شارالارىن الادى.
ايتا كەتۋ كەرەك، الكير-فوستەر مودەلى نەگىزىندە حالىقتىڭ الەۋمەتتىك جاعدايىن ەگجەي- تەگجەيلى جانە كولەمدى تۇردە كورسەتۋگە مۇمكىندىك بەرەتىن كوپ ولشەمدى كەدەيلىك يندەكسى قۇرىلدى.
بۇل يندەكس العاش رەت ب ۇ ۇ دب قولداۋىمەن وكسفورد ۋنيۆەرسيتەتى دايىنداعان 2010 -جىلعى ادام دامۋى تۋرالى باياندامادا قولدانىلدى.
قازىر الەمدە كوپ ولشەمدى كەدەيلىك تۇجىرىمداماسى حالىقتىڭ الەۋمەتتىك ءال-اۋقاتىن ولشەۋدىڭ ەڭ پروگرەسسيۆتى ءتاسىلى بولىپ سانالادى، ويتكەنى تابىستىڭ تومەن دەڭگەيى ءال-اۋقاتتىڭ تومەن دەڭگەيىنىڭ ءبىر عانا اسپەكتىسى بولىپ تابىلادى. وتباسىنىڭ ورتاشا تابىسى بولۋى مۇمكىن، ءبىراق سونىمەن بىرگە ساپالى مەديتسينالىق قىزمەتتەر مەن بىلىمگە، لايىقتى جۇمىسقا جانە ت. ب. قول جەتكىزە المايدى.
ادىستەمەدە قولدانىلاتىن كوپولشەمدى ينديكاتورلار ءال-اۋقاتتىڭ نەگىزگى پارامەترلەرىن وقشاۋلاۋعا پراكتيكالىق مۇمكىندىك بەرەدى، بۇل الەۋمەتتىك قولايسىزدىق توپتارىن جوعارى دالدىكپەن انىقتاۋعا جانە سول ارقىلى قالىپتاسقان جاعىمسىز تەندەنتسيالاردى جەڭۋ ءۇشىن الەۋمەتتىك ساياساتتىڭ ورتا جانە ۇزاق مەرزىمدى مىندەتتەرى مەن باعىتتارىن انىقتاۋعا مۇمكىندىك بەرەدى.
بۇعان دەيىن حابارلانعانداي، قازىرگى ۋاقىتتا وتسك مەملەكەتتىك قولداۋ شارالارىن الۋعا قۇقىعى بار قازاقستاندىقتارعا قانداي دا ءبىر ءوتىنىشسىز جاردەماقى مەن الەۋمەتتىك تولەمنىڭ 9 ءتۇرىن رەسىمدەۋگە مۇمكىندىك بەرەدى.
سونداي-اق، و س ك ارقىلى زەينەتاقى تولەمدەرىن الۋ مۇمكىندىگى تۋرالى اۆتوماتتى حابارلاما ىسكە اسىرىلدى.
2023 -جىلى الەۋمەتتىك قورعاۋ سالاسىنداعى قىزمەتتەر تىزبەسى كەڭەيتىلەدى.
2024 -جىلعى 1-قاڭتاردان باستاپ دەنساۋلىق ساقتاۋ جانە ءبىلىم سالالارىنداعى مەملەكەتتىك كەپىلدىكتەر ەنگىزىلەدى.
2025 -جىلدان باستاپ جوعارىدا اتالعان ءۇش سالادا مەملەكەتتىك كەپىلدىكتەردىڭ بارلىق تۇرلەرى قامتىلادى.
