ەلەنا رىباكينا الەمنىڭ ءتورتىنشى راكەتكاسى اتاندى
قازاقستاندىق تەننيسشى 5090 ۇپاي جيناپ، WTA رەيتينگىسىندە 6- دان 4-ساتىعا كوتەرىلدى.
ەلەنا ءتورتىنشى ورىنداعى فرانتسيالىق كارولين گارسيانى (5025 ۇپاي) دا باسىپ وزدى.
ريم ماستەرس تۋرنيرىندە جەڭىسكە جەتكەنى ءۇشىن ە. رىباكينا 1 مىڭ رەيتينگىلىك ۇپايعا قوسا 521754 ەۋرو تابىس تاپتى.
فينالدان كەيىن قازاقستاندىق تەننيسشى قارسىلاسى انگەلينا كالينينانى دوسىم دەپ اتاپ، جاراقاتىنان تەزىرەك ساۋىعىپ، رولان گارروس جارىسىندا تابىستى ونەر كورسەتۋىنە تىلەكتەستىگىن ءبىلدىردى. سونىمەن قاتار بارلىق جانكۇيەرلەرگە العىسىن ايتىپ، جاڭبىرعا بايلانىستى ءجيى- ءجيى كەيىنگە قالدىرىلعان ويىنداردىڭ وڭاي بولماعانىن جەتكىزدى.
ەسكە سالا كەتەيىك، بۇدان بۇرىن ەلەنا رىباكينانىڭ العاش رەت ريم ماستەرس تۋرنيرىنىڭ فينالىنا شىققانىن جازعان بولاتىنبىز.
سونداي- اق ەلەنا رىباكينا ريم ماستەرس تۋرنيرىنىڭ چەمپيونى اتاندى.
