كولىكتەردى جولعا شىعىپ كەتكەن جانۋارلاردان ساقتاندىراتىن جۇيە ىسكە قوسىلۋدا
رەسپۋبليكالىق ماڭىزى بار «وسكەمەن- سەمەي» كۇرە جولىنىڭ 102 شاقىرىمىندا جانۋارلاردىڭ قاتىسۋىمەن ورىن الاتىن جول- كولىك وقيعالارىنىڭ الدىن- الۋعا ارنالعان «قورعاۋ» اۆتونومدى جارىق- سيگنالدىق كەشەنى سىناقتان وتۋدە.
«ماماندار بۇل تاجىريبەلىك- ەكسپەريمەنتتىك ۋچاسكەنى جولدىڭ ەكى جاعىندا مال شارۋاشىلىعى بولعان سوڭ تاڭدادى.
سىناقتان ءوتىپ جاتقان كەشەن زياتكەرلىك كوممۋنيكاتسيا جۇيەسىنە نەگىزدەلگەن بىرنەشە قۇرىلعىلاردان (پوستتاردان) تۇرادى. بۇل تەحنولوگيانىڭ باستى ارتىقشىلىعى — كولىك جۇرگىزۋشىلەرى قاراۋسىز جايىلعان ءۇي جانۋارلارى كەنەتتەن جول بويىنا شىققان كەزدە ەسكەرتۋ سيگنالىن الادى. قۇرىلعى كۇندىز دە، تۇنگى ۋاقىتتا دا جۇمىس ىستەيدى»، - دەپ جازدى ۇلتتىق كومپانيادان.
تەحنولوگيانى وتاندىق «Nur- Saylet» كومپانياسى ويلاپ تاپتى.
تەحنولوگيا سىناقتان ءساتتى وتكەن جاعدايدا ونى باسقا دا رەسپۋبليكالىق ماڭىزداعى تاسجولدارعا ورناتۋ كوزدەلىپ وتىر.
