سارى ارقا قۇبىرىنان سولتۇستىككە گاز تارتۋ وڭتۇستىكتى تىعىرىققا تىرەۋى مۇمكىن - رومان سكليار
«سىزدەردىڭ ساۋالىڭىزدا ايتىلعانداي، سولتۇستىك ايماقتاردى گازداندىرۋدىڭ ەكى نۇسقاسى قاراستىرىلعان. «سارى ارقا» ماگيسترالدىق گاز قۇبىرىنان گازداندىرۋ نۇسقاسى بويىنشا 2022 -جىلعى ماۋسىمدا «استانا گاز ق م گ» ا ق اقمولا جانە سولتۇستىك قازاقستان وبلىستارىن گازداندىرۋدى كوزدەيتىن «سارى ارقا» م گ ق 2, 3-كەزەڭدەرىن سالۋ» جوباسىنا تەحنيكالىق- ەكونوميكالىق نەگىزدەمەنى تۇزەتتى. ازىرلەنگەن جوباعا سايكەس اتالعان وبلىستاردىڭ گازدى تۇتىنۋ كولەمى - شامامەن 245 مىڭ m³/ساع نەمەسە جىلىنا 657 ميلليون m³. سونىمەن قاتار «سارى ارقا» م گ ق «بەينەۋ - بوزوي - شىمكەنت» گاز قۇبىرىنا (بۇدان ءارى- ب ب ش گاز قۇبىرى) قوسىلعان، ول 2022-2023 -جىلداردىڭ كۇزگى- قىسقى كەزەڭىندە % 106- عا جۇكتەلگەن (جوبالىق جۇكتەۋ 1720 m³/ساع بولعان كەزدە، ناقتى جۇكتەمە 1820 مىڭ m³/ساع قۇرادى)»، - دەلىنگەن جاۋاپتا.
ايتۋىنشا، بۇل جايت سولتۇستىكتەگى وڭىرلەردى گازداندىرۋدىڭ باسقا جولدارىن پىسىقتاۋدى قاجەت ەتىپ وتىر.
«وسىعان بايلانىستى اتالعان وبلىستاردىڭ ايتارلىقتاي تۇتىنۋ كولەمىن ەسكەرە وتىرىپ، جوبانى ىسكە اسىرۋ ەلىمىزدىڭ وڭتۇستىك وڭىرلەرىن گازبەن جابدىقتايتىن نەگىزگى گاز ارتەرياسىنىڭ تۇراقتى جۇمىسىنىڭ بۇزىلۋىنا اكەلۋى مۇمكىن.
قولدانىستاعى گاز قۇبىرىنىڭ وتكىزۋ قابىلەتىن كەڭەيتۋ ماقساتىندا «QazaqGaz» ۇ ك» ا ق ب ب ش گاز قۇبىرىنىڭ 2- تىزبەگىن جوبالاۋ بويىنشا جۇمىستاردى باستادى، ونىڭ اياقتالۋ مەرزىمى اعىمداعى جىلدىڭ سوڭىنا دەيىن. سولتۇستىك وڭىرلەردى گازداندىرۋدىڭ بىرنەشە نۇسقاسى قاراستىرىلۋدا. مەنشىكتى گاز تاسىمالداۋ جۇيەسى مەن گاز رەسۋرستارىنىڭ تەحنيكالىق مۇمكىندىكتەرى ايقىندالعاننان كەيىن وڭتايلى نۇسقا ازىرلەنەتىن بولادى»، - دەيدى رومان سكليار.
