تايلاندتا پارلامەنت سايلاۋىندا وپپوزيتسيالىق پارتيا جەڭىسكە جەتىپ، سەنساتسيا جاسادى
سايلاۋدىڭ العاشقى ناتيجەلەرى بويىنشا «العا قوزعالامىز» پارتياسى بولجامنىڭ بارىنەن اسىپ ءتۇسىپ، تايلاند پارلامەنتىنىڭ تومەنگى پالاتاسىنداعى 500 ورىننىڭ 151 نە يە بولدى. بۇل بۇرىنعى پرەمەر-مينيستر تاكسين چيناۆاترانىڭ قىزى باسقاراتىن Pheu Thai پارتياسىنان 10 ورىنعا كوپ.
BBC News اقپاراتى بويىنشا، باسقارۋشى وداق ورىننىڭ تەك %15 ىن يەلەنگەن. تايلاند الەۋمەتتىك جەلىلەرى پارتيانىڭ جەڭىسىن «وزگەرىستەر كەزەڭى»، «جاڭا ءداۋىردىڭ باستاۋى» دەپ سيپاتتاپ جاتىر. «العا قوزعالامىز» پارتياسىنىڭ 42 جاستاعى كوشباسشىسى، گارۆارد ۋنيۆەرسيتەتىنىڭ تۇلەگى پيتا ليمدجاروەنرات Twitter-دە ەلدىڭ 30-پرەمەر-ءمينيسترى بولۋعا «دايىن» ەكەنىن جازدى.
«ءبىزدىڭ ارمانىمىز بەن ءۇمىتىمىز ءبىر. ءبىزدىڭ تايلاندىمىز بۇدان دا جاقسى بولاتىنىنا سەنەمىز. ەگەر بۇگىن جۇمىس ىستەسەك ءبارىن وزگەرتۋگە بولادى»، - دەپ جازدى ول.
14-مامىردا وتكەن پارلامەنت سايلاۋىندا 38,5 ميلليون ادام داۋىس بەرگەن.
