16:28, 15 - مامىر 2023 | GMT +5
پرەزيدەنتتىڭ تۋعان كۇنىنە ەشقانداي ءىس- شارا جوسپارلانباعان - اقوردا
استانا. قازاقپارات - پرەزيدەنت اكىمشىلىگى باسشىسىنىڭ ورىنباسارى - پرەزيدەنتتىڭ باسپا ءسوز حاتشىسى رۋسلان جەلدىباي مەملەكەت باسشىسى قاسىم- جومارت توقايەۆتىڭ تۋعان كۇنىنە قاتىستى سۇراققا جاۋاپ بەردى، دەپ حابارلايدى قازاقپارات.
«پرەزيدەنتتىڭ باسپا ءسوز قىزمەتىنە بۇقارالىق اقپارات قۇرالدارىنان مەملەكەت باسشىسى تۋعان كۇنىن قالاي اتاپ وتەتىنى تۋرالى سۇراقتار كەلىپ ءتۇسىپ جاتىر.
وسىعان وراي ەشقانداي ءىس- شارا جوسپارلانباعانىن حابارلايمىز. پرەزيدەنت مۇنداي شارالاردى قولدامايدى.
مەملەكەت باسشىسى 17-مامىر كۇنىن جۇمىس كەستەسىنە ساي وتكىزەدى»، - دەپ جازدى ر. جەلدىباي Facebook تە.
پرەزيدەنتتىڭ باسپا ءسوز حاتشىسى ەسكە سالىپ وتكەندەي، 17-مامىردا قاسىم- جومارت توقايەۆتىڭ قىتايعا مەملەكەتتىك ساپارى باستالادى.
«قازاقستاندا دا، ق ح ر- عا ساپار اياسىندا دا پرەزيدەنتتىڭ تۋعان كۇنىنە بايلانىستى ەشقانداي ءىس- شارا وتكىزىلمەيدى»، - دەدى ول.
