22:50, 14 - مامىر 2023 | GMT +5
قازاقستاندىق بوكسشىلار مەملەكەت باسشىسىنىڭ قۇتتىقتاۋىنا وراي ۆيدەو جاريالادى
استانا. قازاقپارات - وزبەكستان استاناسى تاشكەنتتە بوكستان وتكەن الەم چەمپيوناتىندا مەدال العان سپورتشىلار ق ر پرەزيدەنتى قاسىم-جومارت توقايەۆتىڭ قۇتتىقتاۋىنا وراي ۆيدەو جولدادى، دەپ حابارلايدى قازاقپارات.
مەملەكەت باسشىسى قۇتتىقتاۋىندا بوكستان الەم چەمپيوناتىنىڭ فينالدىق جەكپە-جەكتەرىن زور قىزىعۋشىلىقپەن تاماشالاعانىن، قازاق بوكسشىلارى جەڭىسكە دەگەن ەرىك- جىگەر مەن شىنايى ءپاتريوتيزمنىڭ جارقىن ۇلگىسىن كورسەتكەنىن ايتتى.
«قۇرمەتتى قاسىم-جومارت كەمەل ۇلى، ءسىزدى التىن مەدالمەن قۇتتىقتايمىز. بارلىق قازاقستاندىقتارعا جانكۇيەر بولعانى ءۇشىن العىس ايتامىز. العا، قازاقستان!»، - دەدى بوكسشىلار.
