جانىبەك ءالىمحان ۇلى ستيۆەن باتلەردى نوكاۋتپەن ۇتتى

استانا. قازاقپارات - قازاقستاندىق جانىبەك ءالىمحان ۇلى (13-0، 8 ك و) ا ق ش-تىڭ كاليفورنيا شتاتى ستوكتون قالاسىندا وتكەن بوكس كەشىندە ونەر كورسەتتى، دەپ حابارلايدى قازاقپارات ءتىلشىسى.

ج. ءالىمحان ۇلى كانادالىق ستيۆەن باتلەرمەن (32-3-1، 26 ك و) تيتۋلدىق جەكپە-جەك وتكىزدى.

ون ەكى راۋندقا ەسەپتەلگەن جەكپە-جەكتە WBO نۇسقاسى بويىنشا ورتا سالماقتا قازاقستاندىق بوكسشىعا تيەسىلى چەمپيوندىق بەلدىك ساراپقا سالىندى.

جانىبەك اۋەلى قارسىلاسىن ەكى رەت نوكداۋنعا جىبەردى. سودان كەيىن نوكاۋت تىركەلدى.

وسىلايشا، جانىبەك ءالىمحان ۇلى كاسىپقوي بوكستا ون ءتورتىنشى جەكپە- جەگىن وتكىزىپ، WBO چەمپيوندىق بەلدىگىن قورعاپ قالدى. ال ستيۆەن باتلەر ءتورتىنشى جەڭىلىسىنە ۇشىرادى.

ج. ءالىمحان ۇلى ءوزىنىڭ چەمپيوندىق بەلدىگىن ەكىنشى رەت ءساتتى قورعادى.