اعزاعا س دارۋمەنى جەتىسپەيتىنىن قالاي بىلۋگە بولادى؟
جارا وڭاي جازىلمايدى
س دارۋمەنى كەسىپ العان جانە كوگەرگەن جەردىڭ، سونداي-اق باسقا دا جارالاردىڭ جازىلۋى ءۇشىن ماڭىزدى. ول اعزاعا تەرىنى قالىپقا كەلتىرەتىن كوللاگەن وڭدەلۋىنە قاجەت. سوندىقتان اعزاعا س دارۋمەنى جەتىسپەسە، كەز كەلگەن جارا جازىلىپ بولمايدى جانە ۇزاققا دەيىن قابىنعان كۇيدە قالادى.
تەرى جانە شاش پروبلەمالارى پايدا بولادى
س دارۋمەنى تەرىنى ۋلتراكۇلگىن ساۋلەلەنۋدەن قورعاۋ ءۇشىن جانە كوللاگەن وڭدەۋ ءۇشىن قاجەت. بۇل ميكروەلەمەنت جەتىسپەسە، تەرى قۇرعاق ءارى سەزىمتال بولىپ كەتەدى جانە ءاجىم پايدا بولادى. تەرى ءتۇسى كۇڭگىرت بولىپ كەتۋى مۇمكىن.
س دارۋمەنى جەتىسپەسە، ول شاشقا دا اسەر بەرەدى: شاش سىنعىش بولىپ كەتەدى جانە جۇقارىپ كەتۋى مۇمكىن.
ءتىس ەتى قانايدى
كەيدە ءتىس ەتى قانايدى جانە اۋىرادى. ونىڭ سەبەبى اعزاعا س دارۋمەنىنىڭ جەتىسپەۋى بولۋى مۇمكىن. سونداي-اق ىستىق جانە سۋىق نارسەگە ءتىس سەزىمتالدىعى پايدا بولۋى مۇمكىن.
بۋىندار اۋىرادى
بۋىندار اۋىرۋى - س دارۋمەنى جەتىسپەۋىنىڭ كەڭ تاراعان بەلگىسى. ادەتتە، بۇل بەلگى ءبىرىنشى بايقالادى. بۇل ميكروەلەمەنت - قابىنۋمەن كۇرەسەتىن انتيوكسيدانت. ەگەر اعزاعا س دارۋمەنى جەتىسپەسە، ول قابىنۋمەن كۇرەسە المايدى دا، بۋىندار اۋىرۋى مۇمكىن.
تىرناق سىنعىش بولا تۇسەدى
س دارۋمەنى تەمىر ءسىڭۋى ءۇشىن ماڭىزدى. ال تەمىر تىرناقتىڭ جانە شاشتىڭ ساۋ ءارى قاتتى بولۋى ءۇشىن قاجەت. س دارۋمەنى جەتىسپەگەن جاعدايدا تىرناق سىنعىش جانە ءالسىز بولىپ كەتۋى مۇمكىن.
مۇرىن قاناي بەرەدى
س دارۋمەنى اعزا جاسۋشالارىنىڭ ءوسۋ جانە قالىپقا كەلۋ پروتسەستەرىنە قاتىسادى. ول جەتىسپەسە، قان تامىرلار قابىرعالارى جۇقارىپ، مۇرىن قاناۋى مۇمكىن. مۇنداي جاعدايدا مۇرىن جۇيەلى تۇردە قانايدى: ادەتتە، تاڭەرتەڭ جانە فيزيكالىق جۇكتەمە كەزىندە مۇرىننان قان اعادى. مۇرىن قاناۋىنىڭ باسقا دا سەبەپتەرىن مىنا جەردەن وقي الاسىز.
شارشاڭقىلىق سەزىمى پايدا بولادى
ۇيقىڭىز قانسا دا جانە كوپ جۇمىس ىستەمەسەڭىز دە، كۇنى بويى ءوزىڭىزدى شارشاڭقى سەزىنسەڭىز، بۇل س دارۋمەنى جەتىسپەۋىنەن بولۋى مۇمكىن. سەبەبى س دارۋمەنى جەتىسپەگەن كەزدە ادام ۇيقىشىل جانە ءالسىز بولىپ كەتەدى. سونداي-اق ول اشۋلانشاق بولىپ كەتۋى مۇمكىن.
يممۋنيتەت السىرەپ كەتەدى
س دارۋمەنى يممۋندى جۇيە كۇشىن ارتتىرادى. ەگەر س دارۋمەنى جەتىسپەسە، اۋرۋ تۋدىرعىش باكتەريالاردىڭ اعزاعا ەنىپ كەتۋ مۇمكىندىگىن ارتادى.
دەنەدە سەبەپسىز كوگەرگەن جەرلەر پايدا بولادى
ەگەر س دارۋمەنى جەتىسپەسە، دەنەدە سەبەپسىز كوگەرگەن جەرلەر پايدا بولادى. سەبەبى كوللاگەن وڭدەلۋى ءتۇسىپ كەتەدى دە، قان تامىرلار ءالسىز بولا تۇسەدى. سول ءۇشىن جاي ءتيىپ كەتكەن نارسەنىڭ وزىنەن دەنە كوگەرىپ كەتۋى مۇمكىن.
سۇيەكتەر ءالسىز بولىپ كەتەدى
ەگەر اعزاعا س دارۋمەنى جەتپەسە، سىنىق الۋ نەمەسە وستەوپوروزمەن اۋىرۋ قاۋپى ارتادى. سەبەبى بۇل كەزدە تەمىر دۇرىس سىڭبەيدى دە، سۇيەكتەر ءالسىز جانە سىنعىش بولىپ كەتەدى.
ەسكەرتۋ: وزدىگىنەن ەمدەلۋ قاۋىپتى جانە دياگنوزدى تەك دارىگەر قويا الادى.
