اسكەر قاتارىنا شاقىرىلعان جاستارعا قانداي جەڭىلدىكتەر بار

الماتى. قازاقپارات - نەسيەسى بار سارباز «نەسيەلىك دەمالىس» الا الادى. بۇل تۋرالى وڭىرلىك كوممۋنيكاتسيالار قىزمەتى بريفينگىسىندە الماتى قالاسى المالى اۋدانىنىڭ قورعانىس ىستەرى باسقارماسىنىڭ باستىعى پولكوۆنيك ايدار مۇسىرەپوۆ ءمالىم ەتتى، دەپ حابارلايدى قازاقپارات ءتىلشىسى.

ايدار مۇسىرەپوۆتىڭ ايتۋىنشا، جاستاردىڭ اسكەرگە دەگەن قىزىعۋشىلىعىن ارتتىرۋ ءۇشىن قورعانىس مينيسترلىگىندە جاڭا جوبا قولعا الىندى.

«جاستاردىڭ اسكەرگە دەگەن قىزىعۋشىلىعىن ارتتىرۋ ماقساتىندا اۋقىمدى شارالار قولعا الىندى. مىسالى، نەسيەسى بار مەرزىمدى قىزمەت ساربازدارى «نەسيەلىك دەمالىس» دەپ اتالاتىن ءۇزىلىس الادى، قىزمەت ەتۋ مەرزىمى بارىسىندا تولەۋ كەيىنگە قالدىرىلادى. جاڭا جوبا قورعانىس مينيسترلىگىندە باستاۋ الدى. بۇل مەرزىمدى اسكەري قىزمەتىنىڭ بەدەلىن ارتتىرادى»، - دەدى ول.

سونىمەن قاتار، سپيكەر مينيسترلىك جوعارى وقۋ ورىندارىنا ءتۇسۋ بويىنشا جەڭىلدىكتەرگە باستاما جاساعانىن ەسكە سالدى.

قىزمەتىن اياقتاعان ساربازدار اقىلى نەگىزدە ۇ ب ت- نى ەسەپتەمەگەندە جوعارى جانە جوعارى وقۋ ورنىنان كەيىنگى ءبىلىم بەرۋ مەكەمەسىنە ءتۇسۋ قۇقىعىنا يە بولادى.

مەرزىمدى اسكەري قىزمەت كەزەڭىندە جاۋىنگەرلىك دايارلىقتا جوعارى ناتيجەلەرگە قول جەتكىزگەن قوسالقى (زاپاسقا شىعارىلعان) ۇلگىلى جاۋىنگەرلەرگە ۇ ب ت- سىز، سونىمەن قاتار ج و و ەسەبىنەن دە وقۋ قۇقىعى بەرىلەدى.

«وقۋعا ءتۇسۋ كەزىندە اسكەري كافەدرا ەمتيحانسىز تەگىن ءبىلىم الا الادى. ىرىكتەۋ مەرزىمدى اسكەري قىزمەت اتقارعان جانە قىزمەت بارىسىندا جاقسى ناتيجە كورسەتكەن اسكەري قىزمەتشىلەر قاتارىنان وتكىزىلەدى»، - دەپ اتاپ ءوتتى سپيكەر.

ايتۋىنشا، جاستارعا جەڭىلدىكتەر الۋ ءۇشىن ح ق ك و- لاردا بەرىلەتىن مەرزىمدى اسكەري قىزمەتتى وتكەرۋ تۋرالى انىقتامانى جانە اسكەري بيلەتتىڭ كوشىرمەسىن قوسا وتىرىپ، ج و و- عا قۇجاتتاردىڭ ءتىزىمىن ۇسىنۋ جەتكىلىكتى. بۇگىندە ەلىمىز بويىنشا 3 مىڭعا جۋىق گرانت ءبولىندى. بۇل باستامانى 70 كە جۋىق جوعارى وقۋ ورىندارى قۇپتادى.

بۇعان دەيىن بيىل مەرزىمدى اسكەري بورىشىن وتەۋگە الماتىدان 3 مىڭ شاقىرىلۋشى جىبەرىلەتىنىن جازعان بولاتىنبىز.