قازاقستان مەن قىتاي اۋىل شارۋاشىلىعى جونىندەگى شاعىن كوميتەت قۇرادى – ا ش م

استانا. قازاقپارات - قازاقستان مەن قىتاي اۋىل شارۋاشىلىعى جونىندەگى بىرلەسكەن شاعىن كوميتەت قۇراتىن بولادى.

اتالعان جۇمىس ورگانى ا و ك- ءتىڭ وزەكتى ماسەلەلەرىن جەدەل قارايتىن جانە ەكى ەل اراسىنداعى سالاداعى ىنتىماقتاستىقتى ءتيىمدى دامىتاتىن بولادى.

بۇل تۋرالى ق ر ا ش م باسشىسى ەربول قاراشوكەيەۆ ق ح ر اۋىل شارۋاشىلىعى جانە اۋىلدىق ىستەر ءمينيسترىنىڭ ورىنباسارى ما يۋسيانمەن كەزدەسۋى كەزىندە مالىمدەدى، دەپ حابارلايدى قازاقپارات.

ايتا كەتەيىك، قازىرگى ۋاقىتتا قىتايعا اگروونىمدەردى ەكسپورتتاۋدا ۆەتەريناريالىق شەكتەۋلەر، سونداي-اق قازاقستاندىق جانە قىتايلىق ستاندارتتار اراسىنداعى ايىرماشىلىقتارعا بايلانىستى كەدەرگىلەر بار.

بۇعان دەيىن ەربول قاراشوكەيەۆ ق ح ر- عا ساپارى اياسىندا ءتيىمسىز ساۋدا تاسىلدەرىن قايتا قاراۋدى جانە بۇكىل اۋماقپەن ەكسپورتتى شەكتەمەي، ەپيزووتيالىق قاۋىپسىزدىك بويىنشا ەكى ەلدىڭ ايماقتاندىرىلۋىن تانۋعا كوشۋدى ۇسىنعان بولاتىن. اتاپ ايتقاندا، ءمينيستردىڭ بۇل باستاماسى ش ۇ ا ا باسشىلىعىنىڭ قولداۋىنا يە بولدى.

ا ش م باسشىسى قىتايلىق ارىپتەستەرمەن كەزدەسۋ كەزىندە دۇنيەجۇزىلىك جانۋارلار دەنساۋلىعى ۇيىمى قازاقستاننىڭ 5-ايماعىن (شىعىس قازاقستان، الماتى، تۇركىستان، قىزىلوردا، جامبىل، سونداي-اق جەتىسۋ جانە اباي وبلىستارى) ۆاكسينالاردى قولدانا وتىرىپ، اۋسىل بويىنشا قولايلى دەپ تانىعانىن اتاپ ءوتتى. ول سونداي-اق جوعارىدا اتالعان ايماقتاردان ەت ەكسپورتىن توقتاتپاعان پارسى شىعاناعى ەلدەرىنىڭ تاجىريبەسىن مىسالعا كەلتىردى.

مينيستر جاقىن ارادا ق ح ر- عا مۇزداتىلعان ەت جەتكىزۋ قايتا جاندانىپ، سونداي-اق سالقىنداتىلعان سيىر، قوي، شوشقا ەتى، ءىرى قارا مالدىڭ تەرىسى مەن قوسالقى ونىمدەرگە ارنالعان ۆەتەريناريالىق تالاپتاردى مەن حاتتامالاردىڭ جوبالارىن قاراۋ بويىنشا كەلىسسوزدەردىڭ باستالاتىنىنا ۇمىتتەنەتىنىن ايتتى.

سونىمەن قاتار، تاراپتار قۇس ەتى مەن قۇس شارۋاشىلىعى ونىمدەرىن ەكسپورتتاۋ جونىندەگى تالاپتاردى كەلىسۋ بويىنشا جۇمىستى قايتا باستاۋدى تالقىلادى. وتكەن جىلى قازاقستاندا قۇس تۇماۋىنىڭ ءورشۋى بولعان جوق. ايتا كەتەيىك، ەلىمىز بۇل ۆيرۋسقا قارسى ۆاكسيناتسيا جۇرگىزىلەتىن ساناۋلى مەملەكەتتىڭ ءبىرى.

كەلىسسوز بارىسىندا تالقىلانعان تاعى ءبىر تاقىرىپ قىتايدىڭ شىعىس قازاقستان وبلىسىنا زەرتحانالىق قۇرال- جابدىقتاردى جەتكىزۋ ماسەلەسى بولدى. ەربول قاراشوكەيەۆ قىتاي تاراپىنا قازاقستاننىڭ قىتايمەن شەكتەسەتىن باسقا ايماقتارىنا دا وسىنداي تەحنيكا جەتكىزۋ مۇمكىندىگىن قاراستىرۋدى ۇسىندى.

سونداي-اق، كۇن تارتىبىندە ورتالىق ازيا ەلدەرىنىڭ الداعى ءسامميتى جانە ءبىرقاتار كوپجاقتى قۇجاتتارعا قول قويۋ ماسەلەسى تۇر.

ايتا كەتەيىك، جىل باسىنان بەرى ق ر مەن ق ح ر اراسىنداعى اوك ءونىمىنىڭ تاۋار اينالىمى ءبىر جىل بۇرىنعى كەزەڭمەن سالىستىرعاندا %58 ارتىپ، 265,5 ميلليون دوللاردى قۇرادى.