نۇرلان يمام جاڭا قىزمەتكە تاعايىندالدى
بۇل تۋرالى ول ءوزىنىڭ ينستاگرام پاراقشاسىندا جازدى، - دەپ حابارلايدى Massaget.kz ءتىلشىسى.
يمام وقىرماندارىمەن قۋانىشتى جاڭالىعىمەن ءبولىسىپ، اماندىق تىلەدى.
«ءبىسمىللاھير- راحمانير- راحيم! اللانىڭ قالاۋىمەن، ەلدىڭ اق تىلەگىمەن بۇگىن استانامىزداعى «اللانىڭ گۇلى» اتالىپ كەتكەن ىرىسكەلدى قاجى اتىنداعى مەشىتكە باس يمام بوپ تاعايىندالدىم. بۇل مەن ءۇشىن قۋانىشتى جاڭالىق! ەندى استانا جۇرتشىلىعىمەن جانە قالا قوناقتارىمەن وسى مەشىتتە جۇزدەسەمىز. ەلىمىز تىنىش، جۇرتىمىز امان، بىرلىگىمىز بەرىك، رۋحانياتىمىز تۇعىرلى بولسىن!»، - دەپ جازدى نۇرلان يمام.
وقىرماندارى يمامعا «قۇتتى بولسىن! يمانىمىزدىڭ كەمەلدەنۋىنە سىزدەي ءبىلىمدى ءدىني ساۋاتتى ۇستازدار كوپ بولسىن!»، «بۇل مەشىتكە كەزەك بولاتىن شىعار»، «قۇتتى، قايىرلى ، ابىرويلى بولسىن! ەلگە، حالىققا، جاستارعا بەرەر ءتالىم-تاربيەڭىز كوپ بولسىن» دەگەن سەكىلدى جاعىمدى پىكىرلەر عانا قالدىرعان.
