قازاقستان رەسەي رۋبلىنەن قۇتىلىپ جاتىر ما؟
ۆاليۋتا ايىرباستاۋ پۋنكتتەرىنىڭ قازاقستاندىقتار اراسىندا تانىمال ا ق ش دوللارىن تازا ساتۋى بيىل ءبىرىنشى توقسانىندا 385,5 ميلليارد تەڭگە. بۇل 2022-جىلدىڭ سايكەس كەزەڭىمەن سالىستىرعاندا 12,7 پايىز از. ەۋرونىڭ تازا ساتىلىمى، كەرىسىنشە، 29 پايىز ءوسىپ، 2023-جىلدىڭ قاڭتار- ناۋرىزىندا 74,6 ميلليارد تەڭگە. ءبىراق قازاقستاندىقتار رەسەي رۋبلىن ايىرباستاۋ ورىندارىنا ساتىپ العانىنان 8,4 ميلليارد تەڭگەگە ارتىق ساتقان. سالىستىرۋ ءۇشىن: ءبىر جىل بۇرىن رەسەي رۋبلى ايىرباستاۋ پۋنكتتەرىنە ساتقاننان گورى 215,2 ميلليارد تەڭگەگە ارتىق ساتىپ العان.
وڭىرلەر بويىنشا ايىرباستاۋ پۋنكتتەرىنىڭ ا ق ش دوللارىن «تازا» ساتۋىنىڭ ۇشتەن ءبىر بولىگىنە جۋىعى تەك الماتى قالاسىنىڭ ۇلەسىنە ءتيدى: 124,9 ميلليارد تەڭگە. تازا ساتىلىمنىڭ ايتارلىقتاي كولەمى شىمكەنتكە دە ءتۇستى: 68,2 ميلليارد تەڭگە. ۇزدىك ۇشتىككە استانا دا ەندى: 30,7 ميلليارد تەڭگە.
ايىرباستاۋ پۋنكتتەرىنىڭ ا ق ش دوللارىن تازا ساتۋىنىڭ ەڭ از كولەمى 2023-جىلدىڭ ءبىرىنشى توقسانىندا الماتى (679,9 ميلليون تەڭگە)، ۇلىتاۋ (1 ميلليارد تەڭگە) جانە جەتىسۋ (1,8 ميلليارد تەڭگە) وبلىستارىندا بايقالدى.
بۇل رەتتە قازاقستانداعى ەۋرو ايىرباستاۋ پۋنكتتەرىنىڭ نەتتو-ساتۋ كولەمىنىڭ جارتىسىنان استامى تەك ەكى وبلىسقا - الماتى مەن شىمكەنتكە ءتۇستى: تيىسىنشە 27,2 ميلليارد تەڭگە جانە 16,6 ميلليارد تەڭگە. استانا دا قوماقتى سوما: 9 ميلليارد تەڭگە.
ەۋرو تازا ساتۋدىڭ ەڭ از كولەمى ۇلىتاۋ (36,3 ميلليون تەڭگە)، جەتىسۋ (284,3 ميلليون تەڭگە) جانە اقمولا (295,3 ميلليون تەڭگە) وبلىستارىندا بايقالدى.
2023-جىلدىڭ ءبىرىنشى توقسانىندا ايىرباستاۋ پۋنكتتەرىنىڭ رەسەي رۋبلىن تازا ساتۋ كولەمى ق ر- نىڭ 20 ءوڭىرىنىڭ 12 دە بايقالدى. بۇل رەتتە ەڭ كوپ كولەم شىعىس قازاقستان (3 ميلليارد تەڭگە)، قاراعاندى (1,7 ميلليارد تەڭگە) جانە اقمولا (1,5 ميلليارد تەڭگە) وبلىستارىنا تيەسىلى.
ەلىمىزدىڭ 20 ءوڭىرىنىڭ قالعان 8 دە اقشا ايىرباستاۋ پۋنكتتەرى ساتىپ العان رۋبل كولەمى ساتىلعان كولەمنەن اسىپ ءتۇستى. ماسەلەن، رەسەي رۋبلىن تازا ساتۋدىڭ ەڭ ۇلكەن تەرىس ءمانى الماتىدا (مينۋس 9,3 ميلليارد تەڭگە)، ودان كەيىن استانادا (مينۋس 4,1 ميلليارد تەڭگە) جانە قوستاناي وبلىسىندا (مينۋس 1,8 ميلليارد تەڭگە) بايقالدى.
ا ق ش دوللارىنىڭ رەسمي باعامى بيىل ءساۋىر ايىندا ورتاشا ەسەپپەن 451,33 تەڭگە، بۇل 2023-جىلعى ناۋرىزبەن سالىستىرعاندا 0,3 پايىز عانا جوعارى جانە 2022-جىلعى ساۋىرمەن سالىستىرعاندا 0,4 پايىز تومەن. بۇل رەتتە مامىر ايىنىڭ باسىندا 1 ا ق ش دوللارى 453,39 تەڭگە بولسا، 10- مامىردا باعام 445,28 تەڭگەگە دەيىن تومەندەدى.
ساۋىردە ەۋرونىڭ ورتاشا باعامى 494,6 تەڭگە. بۇل 2023-جىلعى ناۋرىزبەن سالىستىرعاندا 2,9 پايىز، ءبىراق 2022-جىلعى ساۋىرمەن سالىستىرعاندا 0,5 پايىز عانا جوعارى. مامىر ايىنىڭ باسىنان بەرى ەۋرو باعامى 2023-جىلدىڭ 10- مامىرىنا دەيىن 198,18 تەڭگەدەن 490,97 تەڭگەگە دەيىن تومەندەدى.
بيىل ءساۋىر ايىندا رەسەي رۋبلىنىڭ ورتاشا باعامى 5,58 تەڭگە. - وتكەن ايمەن سالىستىرعاندا 5,7 پايىز جانە 2022-جىلعى ساۋىرمەن سالىستىرعاندا 3,3 پايىز تومەن. سونىمەن بىرگە، بيىل مامىر ايىنىڭ باسىنان بەرى رۋبل باعامى 2023-جىلدىڭ 10- مامىرىنداعى جاعداي بويىنشا 5,63 تەڭگەدەن 5,8 تەڭگەگە دەيىن ءوستى.
