وتباسى بانكى ارالىق زاەم مولشەرلەمەسىن وزگەرتەدى

استانا. قازاقپارات - وتباسى بانكى ارالىق زاەم مولشەرلەمەسىن وزگەرتەدى. بۇل جايىندا اتالعان قارجى ينستيتۋتىنان ءمالىم ەتتى، دەپ حابارلايدى قازاقپارات ءتىلشىسى.

«2023 -جىلعى 15-مامىردان باستاپ وتباسى بانكىندە ارالىق زاەم بويىنشا سارالانعان سىياقىنىڭ تومەندەتىلگەن مولشەرلەمەلەرى قولدانىلادى. وسىعان دەيىن مولشەرلەمە دياپازونى جىلدىق 7 پايىزدان 11,5 پايىزعا دەيىن (جىلدىق ءتيىمدى سىياقى مولشەرلەمەسى 7,4 باستاپ) بولعان. ەندى بۇل ءدالىز 6-10 پايىز (ج ت س م %6,2 باستاپ) ارالىعىندا بەلگىلەنىپ، تومەندەيدى. كرەديت بويىنشا مولشەرلەمە كولەمى قاراجاتتى دەپوزيتتە جيناقتاۋ مەرزىمىنە جانە ونى تولىقتىرۋ جيىلىگىنە بايلانىستى بولادى. بۇل وزگەرىستەر تۇرعىن ءۇي قۇرىلىس جيناق جۇيەسىن ىسكە اسىرۋ قاعيدالارىنا ساي.

بۇل ولشەمشارتتاردى باعالاۋ ءۇشىن وتباسى بانك باعالاۋ كورسەتكىشىن (ءارى قاراي- بك) قولدانادى. باعالاۋ كورسەتكىشى نەعۇرلىم جوعارى بولسا، نەسيە بويىنشا مولشەرلەمەسى سوعۇرلىم تومەن بولادى»، - دەپ اتاپ بانكتەن.

وسى ۋاقىتقا دەيىن وتباسى بانكتەگى دەپوزيتتەرىنە الدىن الا قاراجات جيناماي، تۇرعىن ءۇي قۇنىنىڭ 50 پايىز بىردەن سالعان كليەنتتەر 11,5 پايىزدى قۇرايتىن ەڭ جوعارى مولشەرلەمەمەن ارالىق تۇرعىن ءۇي زاەمىن الۋعا ۇمىتكەر بولا الاتىن. بۇل رەتتە ب ك ءمانى نولگە تەڭ ەدى.

ەندى بانك جيناقتاۋ ءتاسىلىن وزگەرتەدى. ارالىق زاەم الۋ ءۇشىن ب ك- ءنىڭ ەڭ تومەنگى ءمانى 2,5 عا قول جەتكىزۋ قاجەت. بۇل ءماندى دەپوزيتكە تۇرعىن ءۇي قۇنىنىڭ 50 پايىزىن اۋدارعان ساتتەن باستاپ 3 اي مەرزىم وتكەننەن كەيىن عانا الۋعا بولادى. تەك سودان كەيىن بانك 10 پايىزعا تەڭ بولاتىن ەڭ جوعارعى مولشەرلەمە بويىنشا نەسيە بەرەدى.

كەلىسىم سوماسىنىڭ 50 پايىزى سالىمعا اۋدارىلعان كەزدە، باعالاۋ كورسەتكىشىنىڭ 2,5 بولاتىن مانىنە كليەنت 3 ايدا، 3,3 تەن جوعارى ب ك- گە 4 ايدا؛ 4,2 دەن جوعارى ب ك- گە 5 ايدا؛ 5 تەن جوعارى ب ك- گە 6 ايدا؛ 7 دەن جوعارى ب ك- گە 8,5 ايدا؛ 10 نان جوعارى ب ك- گە 12 ايدا قول جەتكىزەدى.

«ارالىق زاەمدار وتباسى بانك سالىمشىلارىنىڭ اراسىندا جوعارى سۇرانىسقا يە. مىسالى، 2022 -جىلدىڭ قورىتىندىسى بويىنشا بارلىعى 79872 نەسيە بەرىلگەن، ونىڭ 68 پايىزى - ارالىق زاەمدار. مۇنداي كرەديتتەردىڭ ءمانى نولدىك ب ك- مەن بەرىلگەن. ياكي قارىز الۋ كەزىندە كليەنتتىڭ قاراجاتى دەپوزيتتە جيناقتالمايدى، سوندىقتان جۇيەدە جۇمىس ىستەمەيدى دەگەن ءسوز. بۇل رەتتە جيناقتاۋ جانە قارىز بەرۋ بالانسى - تۇرعىن ءۇي قۇرىلىس جيناق جۇيەسىندەگى باستى قاعيدا. كليەنتتەردىڭ ءبىرى قاراجات جيناقتاپ جاتقاندا، باسقالارى قارىز الادى. بۇل جۇيەنىڭ تۇراقتىلىعىن قامتاماسىز ەتەدى، سونداي- اق قاراجاتىن جيناقتاي بىلگەن سالىمشىلارعا تومەن مولشەرلەمەمەن نەسيە الۋعا مۇمكىندىك بەرەدى»، - دەپ اتاپ وتەدى بانكتەن.