اسلان اتالىقوۆ كوشى قون قىزمەتى كوميتەتىنىڭ ءتوراعاسى بولىپ تاعايىندالدى

استانا. قازاقپارات – ق ر پرەزيدەنتى اكىمشىلىگىنىڭ كەلىسىمى بويىنشا ىشكى ىستەر ءمينيسترىنىڭ بۇيرىعىمەن ءى ءى م كوشى- قون قىزمەتى كوميتەتىنىڭ ءتوراعاسى لاۋازىمىنا بۇرىن وسى كوميتەت ءتوراعاسىنىڭ مىندەتىن اتقارعان پوليتسيا پولكوۆنيگى اسلان بازارباي ۇلى اتالىقوۆ تاعايىندالدى، دەپ حابارلايدى polisia.kz.

ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ مينيسترلىكتىڭ باسشى قۇرامىنا كوشى- قون قىزمەتىنىڭ جاڭا باسشىسىن تانىستىرا وتىرىپ، ونىڭ قۇقىق قورعاۋ ورگاندارىنداعى ءارتۇرلى جاۋاپتى لاۋازىمدارداعى جۇمىس تاجىريبەسىن، جوعارى كاسىبيلىگىن اتاپ ءوتىپ، جاڭا قىزمەتىنە تابىس تىلەدى.

ق ر ىشكى ىستەر ءمينيسترى مارات احمەتجانوۆ جاڭا باستىقتىڭ ءبىرقاتار جاۋاپتى لاۋازىمداردا جۇمىس تاجىريبەسى مەن جوعارى كاسىبي شەبەرلىگىن اتاپ ءوتىپ، جاڭا جۇمىس ورنىندا جەتىستىكتەر تىلەدى. سونداي- اق، مينيستر وسىعان دەيىن دەپارتامەنت باستىعى بولعان ەرلان فايزۋللينگە اتقارعان جۇمىستارىنا العىس ءبىلدىرىپ، قوستاناي وبلىسىنداعى جاڭا جۇمىس ورنىندا ساتتىلىك تىلەدى.