قازاقستاندىق بەس بوكسشى الەم چەمپيوناتىنىڭ فينالىنا شىعۋ ءۇشىن تالاسادى

استانا. قازاقپارات - تاشكەنتتە ەرلەر اراسىندا بوكستان ءوتىپ جاتقان الەم چەمپيوناتىندا بۇگىن بەس قازاقستاندىق سپورتشى جارتىلاي فينالدا ونەر كورسەتەدى، دەپ حابارلايدى قازاقپارات ءتىلشىسى.

قازاقستاندىقتاردان استانا ۋاقىتىمەن ساعات 15.00-دە باستالاتىن كۇندىزگى سەسسيادا العاشقى بولىپ سانجار تاشكەنباي شىعادى.

سانجار اسا جەڭىل سالماقتا رەسەيدىڭ ءتورت دۇركىن چەمپيونى ەدموند حۋدويانمەن قولعاپ تۇيىستىرەدى.

ىلە- شالا ماحمۇد سابىرحان 54 كەلىگە دەيىنگى سالماقتا 2017 -جىلعى الەم چەمپيونى ءارى ەكى مارتە جۇلدەگەرى، كۋبالىق يوسۆاني ۆەيتيامەن فينالعا شىعۋ شىعۋ تالاسادى.

دۋلات بەكباۋوۆقا (67 ك گ) گرۋزيالىق لاشا گۋرۋلي قارسى تۇرماق.

ساعات 19.00-دە باستالاتىن كەشكى سەسسيادا ۇلتتىق قۇراما كاپيتانى اسلانبەك شىمبەرگەنوۆ (71 ك گ) ءۇندىستاندىق نيشانت ديەۆتەن وتۋگە تىرىسپاق. ال نۇربەك ورالباي (80 ك گ) توكيو وليمپياداسىنىڭ قولا جۇلدەگەرى، رەسەيلىك يمام حاتايەۆپەن جۇدىرىقتاسادى.

ەسكە سالا كەتەيىك، بۇدان بۇرىن قىتاي قازاعى توقتاربەك تاڭاتحاننىڭ ەكى دۇركىن وليمپيادا جەڭىمپازىن ۇتقانىن جازعان بولاتىنبىز.