ەلىمىزدە ەكى جاڭا مەملەكەتتىك ساياسي لاۋازىم ەنگىزىلمەك
«اشىق» ن ق ا پورتالىندا جاريالاعان پرەزيدەنتتىڭ جارلىق جوباسىنا ساي، ەندى مەملەكەتتىك ساياسي جانە اكىمشىلىك قىزمەتشىلەر قاتارىنا مىناداي جاڭا لاۋازىمدار ەنگىزىلەدى:
- قازاقستان رەسپۋبليكاسىنىڭ جوعارى اۋديتورلىق پالاتاسى ءتوراعاسىنىڭ كومەكشىسى، كەڭەسشىسى؛
- قازاقستان رەسپۋبليكاسىنىڭ ۇكىمەتى اپپاراتىنىڭ، قازاقستان رەسپۋبليكاسىنىڭ جوعارى اۋديتورلىق پالاتاسىنىڭ سەكتور مەڭگەرۋشىسى.
ايتا كەتەيىك، ەنگىزىلۋى مۇمكىن لاۋازىمدار ۆ-3 ساناتىنا جاتادى.
«ق ر پرەزيدەنتى جارلىعىنىڭ جوباسى مەريتوكراتيا قاعيداتىن تابىستى ىسكە اسىرۋ، سونداي- اق ق ر جوعارى اۋديتورلىق پالاتاسى جۇمىسكەرلەرىن ىنتالاندىرۋ ماقساتىندا ازىرلەندى. جارلىق جوباسىمەن جوعارى اۋديتورلىق پالاتانىڭ سەكتور مەڭگەرۋشىلەرىنىڭ، سونداي- اق ءتوراعانىڭ كومەكشىسى جانە كەڭەسشىسى لاۋازىمدارىن لاۋازىمدار تىزىلىمىنە ءتيىستى وزگەرىس ەنگىزۋ جولىمەن ۆ-3 ساناتىنا جاتقىزۋدى ۇسىنىلادى. جارلىق جوباسىن قابىلداۋ رەسپۋبليكالىق بيۋدجەتتەن قارجى شىعىندارىن تالاپ ەتپەيدى جانە تەرىس الەۋمەتتىك- ەكونوميكالىق جانە قۇقىقتىق سالدارلارعا اكەپ سوقتىرمايدى»، - دەپ جارلىق جوباسىن تۇسىندىرمە بەرگەن جوعارى اۋديتورلىق پالاتا.
قۇجات 24-مامىرعا دەيىن كوپشىلىك تالقىلاۋدا بولادى.
