سەنات ءتوراعاسى شەتەلدەن اكتيۆتەردى قايتارۋ جونىندەگى زاڭ قانداي مۇمكىندىك بەرەتىنىن ايتتى
«شەتەلدەن اكتيۆتەردى ەلگە قايتارۋ باعىتىندا اۋقىمدى جۇمىستار بار. بۇل ءوز كەزەگىندە وتە كۇردەلى جۇمىس. سونىمەن قاتار، شەتەلگە زاڭسىز شىعارىلعان اكتيۆتەردى قايتارۋ تۋرالى زاڭ جوباسى دايىندالدى. وسى قۇجات اياسىندا اكتيۆتەردى قايتارۋ باعىتىندا ءتيىستى نورمالار قامتىلادى»، - دەدى م. اشىمبايەۆ سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.
بۇل تۇرعىدا ول ءتيىستى ەسەپشوت بار ەكەنىن، وعان جەمقورلاردان تاركىلەگەنگەن جانە قايتارىلعان قاراجات تۇسەتىنىن ايتتى.
«ءتيىستى قاراجات جيناقتالىپ جاتىر. قاراجات ەلىمىزدەگى مەكتەپ قۇرىلىسىنا دا باعىتتالادى، ياعني وندا قوماقتى سوما بار. اتاپ ايتقاندا، وسى باعىتتاعى اۋقىمدى جۇمىستاردىڭ ناقتى ناتيجەسى بار. مەنىڭ ويىمشا، پارلامەنت ءتيىستى زاڭدى قابىلداعاننان كەيىن، بۇل سالاداعى قادامدار جاڭا قارقىن الادى. اتالعان زاڭ ءبىرقاتار سۇراققا جاۋاپ بەرەدى»، - دەدى ماۋلەن اشىمبايەۆ.
بۇدان بۇرىن حابارلانعانداي، ق ر پارلامەنتى سەناتىنىڭ ءتوراعاسى ماۋلەن اشىمبايەۆ قىتايمەن اراداعى ۆيزاسىز رەجيمگە قاتىستى پىكىر ءبىلدىردى.
