الدانىپ قالماڭىز! قوناق ءۇي تاڭداۋدا قاجەتتى كەڭەستەر

استانا. قازاقپارات – قوناق ءۇي تاڭداۋ - ادەتتەگى جاعداي، ءبىراق وتە ماڭىزدى. الايدا كەي ەلدەردە جاعىمسىز جاعدايعا ءتۇسىپ قالماس ءۇشىن توقتايتىن ورىنىڭىزدى ءجىتى تەكسەرىپ العان دۇرىس.

ەندەشە مىنا پايدالى كەڭەستەرگە قۇلاق اسقان ءجون بولادى، - دەپ حابارلايدى Tengritravel.kz ءتىلشىسى تۋريستاس باسىلىمىنا سىلتەمە جاساپ.

برونداۋ سەرۆيستەرىندەگى پىكىرلەرمەن تانىسۋ

بەلگىلى سەرۆيستەردەگى پىكىرلەر سىزگە قوناق ءۇيدىڭ شىنايى سيپاتىن بىلۋگە كومەكتەسەدى. الايدا كەيدە باعاسىن ءوسىرۋ ءۇشىن جالعان پىكىرلەر دە جازىلاتىن جاعدايلار بولادى. جالعان پىكىرلەردە قاتەلىك ءجيى كەزدەسەتىنىن ەسكەرىڭىز.

قوناق ءۇيدى كارتادان تابۋ

قوناق ءۇي تۋرالى پىكىردى «ياندەكس»، Google جانە باسقا دا سەرۆيتسەردەن تابۋعا بولادى. وسىنداعى اقپارات پەن برونداۋ سەرۆيستەرىندەگى مالىمەتتى زەرتەي وتىرىپ، ءسىز وڭ مەن سولدى اجىراتا الاسىز.

قوناق ءۇي قوجايىنىمەن حابارلاسۋ

قوناق ءۇيدىڭ وزىنە حابارلاسىپ، قانداي قىزمەت ۇسىناتىنىن ءبىلىڭىز. ەگەر سىزبەن سويلەسكەن قىزمەتكەر نەمەسە قوناق ءۇي قوجايىنى جىلى اسەر قالدىرسا، ينتۋيتسيا ءسىزدى الدامايدى. دەگەنمەن سەنۋ بار دا، تەكسەرىپ الۋ دەگەن بار.

قوناق ءۇي ورنالاسقان اۋدان تۋرالى ءبىلىپ الۋ

بۇل دا ماڭىزدى، ونىڭ سىزگە ساياحاتشى رەتىندە اسەرى بارى ءسوزسىز. ءىس جۇزىندە تۇرمىس دەڭگەيى تومەن اۋداندارداعى قوناق ءۇي قوجاينىدارى رەيتينگتى قولدان كوتەرىپ الادى، وسىلايشا ءسىز الدانىپ قالاسىز. ەگەر قوناق ءۇي ورنالاسقان اۋدان جاقسى بولسا، وندا الداۋ دا بولمايدى.