ديماش قۇدايبەرگەننىڭ ارمەنياداعى كونسەرتىندە كۇتپەگەن جاعداي بولدى
ول جوعارىدان سالبىراپ تۇرعان بالانى ۇستاپ الدى، - دەپ حابارلايدى Massaget.kz ءتىلشىسى.
بۇل ۆيدەونى ونەر يەسى Instagram-داعى پاراقشاسىندا ءبولىستى.
«جوعارىدان ىستىق ىقىلاس پەن بالالار جاۋدى. ارمەنياداعى كونسەرتىمىزدى وسىلاي اياقتادىق. ءلۇپىل قويعانىڭىزعا راقمەت»، - دەپ جازدى ول ۆيدەونىڭ سيپاتتاماسىنا.
ۆيدەودا ديماش قۇدايبەرگەن جانكۇيەرلەرىمەن بىرگە زالدا ءجۇرىپ كەلە جاتقانىن جانە كۇتپەگەن جەردەن جوعارى قاتاردان سالبىراپ تۇرعان بالانى كوتەرىپ العانىن كورۋگە بولادى. ونەرپاز ەش قينالماي، ءبىر قولمەن بالانى كوتەرىپ، ەكىنشى قولىمەن ميكروفوندى ۇستاپ، ءانىن جالعاستىرا بەردى.
جەلى قولدانۋشىلارى ونەر يەسىنىڭ بۇل قىلىعىنا ءتانتى بولىپ، ءتۇرلى پىكىر قالدىرعان.
«ەندى ءبىر دە ءبىر كونسەرتىڭىز بالالارسىز وتپەيدى. ديماش، ءسىزدىڭ كەرەمەت داۋسىڭىزدى ءار بالا دۇنيەگە كەلگەن ساتتەن باستاپ تىڭداۋى كەرەك، سول كەزدە الەم مەيىرىم مەن باقىتقا تولى بولادى»، «ءوز كوزىممەن كوردىم. بۇل ءبىر قىزىق بولدى»، «مەيىرىمىدى جۇرەگىڭىز ءۇشىن راقمەت. ءسىز - بارعان جەرىڭىزدىڭ بارىنە نۇر قۇيىپ، كۇندەلىكتى ءىس-ارەكەتىڭىزبەن ماحابباتتى تاراتاتىن تاماشا جانسىز»، «ءيا، بۇل - ەڭ قىزىق ءسات، ەشقاشان ۇمىتپاسپىن. كوپ راقمەت ساعان، ديماش»، - دەپ جازعان ولار.
ايتا كەتەيىك، ديماش قۇدايبەرگەن - قازاقستاندىق ءانشى. ول ۆيتەبسكتە وتكەن XXIV حالىقارالىق ەسترادالىق ءان ورىنداۋشىلار «سلاۆيان بازارى-2015» بايقاۋىندا گران-پري جەڭىپ العان، «حالىق سۇيىكتىسى» ۇلتتىق سىيلىعىنىڭ لاۋرەاتى، «قازاقستان حالقىنىڭ بىرلىگىن نىعايتۋعا لايىقتى ۇلەس قوسقانى ءۇشىن» قازاقستان رەسپۋبليكاسىنىڭ پرەزيدەنتى قۇرمەت گراموتاسىمەن ماراپاتتالعان، ABU TV song حالىقارالىق فەستيۆالىنىڭ قاتىسۋشىسى. ول Stranger، Ave Maria, «قاراعىم-اي»، «دايديداۋ» سىندى اندەردى ورىندادى.
View this post on Instagram
