دەپۋتات ەلىمىزدە ۆەيپتەردى ساتۋعا تىيىم سالۋدى سۇرادى

استانا. قازاقپارات - بۇگىن ءماجىلىستىڭ جالپى وتىرىسىندا دەپۋتات نۇرگۇل تاۋ جاسوسپىرىمدەر اراسىندا ۆەيپتەر كەڭىنەن تاراپ جاتقانىن ايتتى، دەپ حابارلايدى قازاقپارات ءتىلشىسى.

«قازىرگى كەزدە ەلىمىزدە قۇرامىندا بەلگىسىز حيميالىق زاتتار مەن نيكوتيننىڭ ەداۋىر مولشەرى، ۆەيپتەردىڭ بالالار مەن جاستار اراسىندا جوعارى قارقىندا تارالۋى ەپيدەميا سيپاتىندا دەسەك بولادى. ق ر قارجى مينيسترلىگىنىڭ مالىمەتىنە سايكەس، 2020 -جىلدان باستاپ «ۆەيپ» شارىعى 292 ەسەگە ءوستى. دۇنيەجۇزىلىك دەنساۋلىق ساقتاۋ ۇيىمىنىڭ 2018 -جىلى قازاقستاندا جۇرگىزگەن زەرتتەۋىنىڭ قورىتىندىسىنا سايكەس، 15 جاستاعى ۇلداردىڭ 14 پايىزى، قىزداردىڭ 6 پايىزى ەلەكتروندى تەمەكىنى ءبىر رەت قولدانىپ كورگەن. 11-15 جاس ارالىعىنداعى ۇلداردىڭ 8,5 پايىزى، قىزداردىڭ 3,8 پايىزى ۆەيپتى تۇراقتى تۇردە العان»، - نۇرگۇل تاۋ ۇكىمەت باسشىسى ءاليحان سمايىلوۆتىڭ اتىنا جولداعان ساۋالىندا.

ونىڭ ايتۋىنشا، 2022 -جىلى جۇرگىزىلگەن زەرتتەۋلەر بويىنشا 2018 -جىلعى دەرەكتەرمەن سالىستىرعاندا جاسوسپىرىمدەر اراسىندا

ۆەيپتەر كەڭىنەن تاراپ جاتقانى انىقتالدى.

«اسىرەسە، ەكى ەسە ءوسىم 13-15 جاس ارالىعىنداعى بالالالار اراسىندا بايقالدى. جالپى، ۆەيپتى العان بالالار سانى 1 ميلليونعا جەتكەن. بيزنەستىڭ جوعارى تابىسىن ەسكەرسەك، ۆەيپ بويىنشا بالالار مەن جاسوسپىرىمدەرگە باعىتتالعان ماركەتينگ قولدانىلىپ كەلەدى. بۇل تۇرعىدا ۆەيپتەردىڭ ورتاشا ەسەپپەن 2000 تەڭگەدەن اسپايدى»، - دەدى دەپۋتات.

«جوعارىدا ايتىلعانداردىڭ نەگىزىندە، دەپۋتاتتىق ساۋالدا قويىلعان ماسەلەلەردى قاراۋعا جانە ەلىمىزدە ۆەيپتەر مەن ونىڭ باسقا تۇرلەرىن ساتۋعا تولىعىمەن تىيىم سالۋ مۇمكىندىگىن قاراستىرۋ ۇسىنىسىن جاسايمىز»، - دەدى ول.