13:37, 10 - مامىر 2023 | GMT +5
بەلارۋس ەكى سوتتالۋشىنى قازاقستانعا بەردى
استانا. قازاقپارات - بەلارۋستە سوتتالعان قازاقستان رەسپۋبليكاسىنىڭ ەكى ازاماتى جازاسىن ەلدە وتەۋ ءۇشىن ەكستراديتسيالاندى، دەپ حابارلايدى باس پروكۋراتۋرانىڭ باسپا ءسوز قىزمەتى.
بەلارۋس رەسپۋبليكاسىنىڭ باس پروكۋراتۋراسى بەلارۋس سوتى باس بوستاندىعىنان ايىرعان قازاقستان رەسپۋبليكاسىنىڭ ازاماتتارىن («ك» جانە «م») بەرۋ تۋرالى سۇرانىسىن قاناعاتتاندىردى.
ازامات «ك» بەلارۋسيادا اسا ءىرى مولشەردە پارا بەرگەنى ءۇشىن 5 جىلعا، ازامات «م» جەكە قۇجاتتاردى ۇرلاعانى، توناعانى جانە ۇرلىق جاساعانى ءۇشىن 7 جىل 6 ايعا سوتتالعان.
باس پروكۋراتۋرا مەن ىشكى ىستەر مينيسترلىگىنىڭ قىزمەتكەرلەرى قازاقستان رەسپۋبليكاسى سىرتقى ىستەر مينيسترلىگىنىڭ كومەگىمەن اتالعان ازاماتتاردى جازاسىن ودان ءارى قاراي وتەۋ ءۇشىن قازاقستانعا جەتكىزدى.
قازىرگى ۋاقىتتا ولار استانا قالاسىنىڭ تەرگەۋ يزولياتورىنا قامالدى.
