الماتى وبلىسىندا ءبىر وتباسىنىڭ بەس ادامى قايتىس بولدى

قونايەۆ. قازاقپارات - الماتى وبلىسىندا ءبىر وتباسىنىڭ بەس ادامى قايتىس بولدى. ولار 1984 -جىلى تۋعان اكەسى جانە ءتورت بالاسى.

بالالارى 2010، 2008، 2013، 2018 -جىلدارى تۋعان، دەپ حابارلايدى قازاقپارات ءتىلشىسى.

«2023 -جىلعى 4-مامىردا ساعات 16:04-تە الماتى وبلىسى ت ج د كەزەكشى بولىمىنە قاراساي اۋدانى ەلتاي اۋىلدىق وكرۋگىنىڭ كولاشى اۋىلىندا جەكە تۇرعىن ۇيدە 6 ادام (2 ەرەسەك جانە 4 بالا) بەلگىسىز زاتتان ۋلانعانى تۋرالى حابارلاما ءتۇستى. ناتيجەسىندە 1984 -جىلى تۋعان ەر ادام (اكەسى) جانە ءتورت بالا (2010 -جىلى تۋعان قىزى جانە 2008، 2013، 2018 -جىلى تۋعان ۇلدارى) قايتىس بولدى. 1985 -جىلى تۋعان ايەل (اناسى) شامالعان اۋىلىنداعى قاراساي كوپسالالى اۋدانارالىق اۋرۋحاناسىنا جاتقىزىلدى»، - دەلىنگەن الماتى وبلىستىق ت ج د باسپا ءسوز قىزمەتىنىڭ حابارلاماسىندا.

1985 -جىلى تۋعان ايەل ادامنىڭ جاعدايى اۋىر، رەانيماتسيا بولىمىندە جاتىر.

«الدىن الا سەبەپتەردىڭ ءبىرى - بەلگىسىز زاتتان ۋلانۋ. ءمان-جايلاردى انىقتاۋ ءۇشىن شاقىرۋ ورنىنا ت ج دەپارتامەنتىنىڭ زەرتتەۋ سىناق ءورت زەرتحاناسى، گاز قىزمەتى جانە س ە س دەرەۋ جىبەرىلدى»، - دەپ تولىقتىردى اتالعان ۆەدومستۆونىڭ باسپا ءسوز قىزمەتى.

العاشقى جينالعان ماتەريال قاراساي اۋدانىنىڭ پوليتسيا بولىمىنە بەرىلدى.