ەرلان قارين ەلورداداعى راقىمجان قوشقاربايەۆتىڭ ەسكەرتكىشىنە گۇل شوعىن قويدى

استانا. قازاقپارات - ق ر مەملەكەتتىك كەڭەسشىسى ەرلان قارين جەڭىس كۇنىنە وراي استانا قالاسىنداعى راقىمجان قوشقاربايەۆ ەسكەرتكىشىنە گۇل شوعىن قويىپ، تاعزىم ەتتى، دەپ حابارلايدى اقوردانىڭ باسپا ءسوز قىزمەتى.

ءىس-شاراعا پارلامەنت ءماجىلىسىنىڭ دەپۋتاتتارى، سونداي-اق ازاماتتىق قوعام جانە بەلسەندى جاستار وكىلدەرى قاتىستى.

شاراعا قاتىسۋشىلار سوعىستا جەڭىس ءۇشىن كۇرەسكەن جاۋىنگەرلەردىڭ ەرەن ەرلىگىن ءبىر مينۋتتىق ۇنسىزدىكپەن ەسكە الىپ، قازاقستاندىق مايدانگەرلەرگە قۇرمەت كورسەتتى.