قورعاس حالىقارالىق ورتالىعى جەتىسۋ وبلىسى اكىمدىگىنىڭ مەنشىگىنە ءوتتى

استانا. قازاقپارات - «قورعاس» شەكاراماڭى ىنتىماقتاستىعى حالىقارالىق ورتالىعى» جەتىسۋ وبلىسى اكىمدىگىنىڭ مەنشىگىنە ءوتتى.

پرەمەر- مينيستر ءاليحان سمايىلوۆ ءتيىستى ۇكىمەت قاۋلىسىنا قول قويدى، دەپ حابارلايدى قازاقپارات ءتىلشىسى.

«مەملەكەتتىك زاڭدى تۇلعالارعا بەكىتىلىپ بەرىلگەن مەملەكەتتىك مۇلىكتى مەملەكەتتىك مەنشىكتىڭ ءبىر تۇرىنەن ەكىنشىسىنە بەرۋ قاعيداسىن بەكىتۋ تۋرالى» ق ر ۇكىمەتىنىڭ 2011 -جىلعى 1- ماۋسىمداعى № 616 قاۋلىسىنا سايكەس ق ر ۇكىمەتى قاۋلى ەتەدى:

«قورعاس» شەكاراماڭى ىنتىماقتاستىعى حالىقارالىق ورتالىعى» ارنايى ەكونوميكالىق ايماعىن باسقارۋشى كومپانياسى» اكسيونەرلىك قوعامى اكسيالارىنىڭ 100 پايىز مولشەرىندەگى مەملەكەتتىك پاكەتى ق ر زاڭناماسىندا بەلگىلەنگەن تارتىپپەن رەسپۋبليكالىق مەنشىكتەن جەتىسۋ وبلىسى اكىمدىگىنىڭ كوممۋنالدىق مەنشىگىنە بەرىلسىن»، - دەلىنگەن ۇكىمەت قاۋلىسىندا.

ايتا كەتەيىك، بۇعان دەيىن اتالعان حالىقارالىق ورتالىق رەسپۋبليكالىق مەنشىكتە بولدى جانە ونى باسقارۋ مەن جۇمىسىن ۇيلەستىرۋ الماتى وبلىسى اكىمدىگىنىڭ قۇزىرەتىندە بولعان ەدى.

قوسا كەتەيىك، 3 جىلدان بەرى توقتاپ تۇرعان «قورعاس» ورتالىعى بيىل 24-ساۋىردەن باستاپ قايتا ىسكە قوسىلدى.