قازاقستان مەن قىتاي عالىمدارى جاستار اراسىندا عىلىمدى بىرلەسە ناسيحاتتاماق
بۇل تۋرالى تاراپتار الماتىدا وتكەن كەزدەسۋدە مالىمدەدى، دەپ حابارلايدى قازاقپارات عىلىم جانە جوعارى ءبىلىم مينيسترلىگىنە سىلتەمە جاساپ.
ق ر پرەزيدەنتى جانىنداعى ۇلتتىق عىلىم اكادەمياسىنىڭ پرەزيدەنتى كۇنسۇلۋ زاكاريا ەكى ەلدىڭ جوعارى وقۋ ورىندارى مەن عىلىمي اكادەميالارىنىڭ اراسىنداعى ىنتىماقتاستىقتى نىعايتۋ ماڭىزىن اتاپ ءوتتى.
«ءبىز عالىمداردىڭ حالىقارالىق قاتىناستى عىلىم ارقىلى دامىتۋداعى ۇمتىلىسىن ەرەكشە قولدايمىز. قازاقستان عىلىم اكادەمياسى قىتاي عىلىم اكادەمياسىمەن بىرلەسىپ زەرتتەۋ جوبالارىن قولعا الۋعا جانە وعان جاس عالىمداردى تارتۋعا دايىن»، - دەدى ول.
قىتاي عىلىم اكادەمياسىنىڭ ۆيتسە- پرەزيدەنتى جانگ تاۋ قازاقستان عىلىم اكادەمياسىنىڭ پرەزيدەنتى مەن ۆيتسە- پرەزيدەنتتەرىن قىتاي ەلى اكادەمياسىنىڭ مۇشەسى اتانۋعا شاقىردى.
«ءبىز قازاقستاندىق ارىپتەستەرىمىزدى قىتاي عىلىمىنىڭ جەتىستىكتەرىمەن تانىستىرۋعا نيەتتىمىز»، - دەدى قىتاي عىلىم اكادەمياسىنىڭ ۆيتسە- پرەزيدەنتى. سونىمەن قاتار، ول قازاقستان ۇلتتىق عىلىم اكادەمياسىنىڭ دەلەگاتسياسىن قىتايدا اسىعا كۇتەتىنىن جەتكىزدى.
سونداي- اق، ەكى ەل عالىمدارى ماتەماتيكا جانە ءومىر تۋرالى عىلىم سالاسىنداعى زەرتتەۋلەرگە باسا نازار اۋداراتىندىعىنا توقتالدى.
