18:47, 05 - مامىر 2023 | GMT +5
پرەزيدەنت وتاندىق قورعانىس ونەركاسىبىندە شىعارىلاتىن ونىمدەر قاتارىن كەڭەيتۋدى تاپسىردى
استانا. قازاقپارات - بۇگىن ەلوردادا بۇكىلارميالىق كەڭەستىڭ وتىرىسىندا مەملەكەت باسشىسى قاسىم- جومارت توقايەۆ وتاندىق قورعانىس ونەركاسىبىنىڭ الەۋەتىنە قاتىستى تاپسىرما بەردى، دەپ حابارلايدى قازاقپارات ءتىلشىسى.
«ارميامىزدىڭ تولىققاندى قايتا قارۋلانۋىندا جانە جاڭعىرتۋدا وتاندىق قورعانىس ونەركاسىپتىك كەشەن ماڭىزدى ءرول اتقارۋى ءتيىس. ۇكىمەت اسكەري ونىمدەر مەن قىزمەت تۇرلەرىن كەڭەيتۋ ءۇشىن بارلىق ءىس- شارالاردى قابىلداۋى كەرەك»، - دەدى قاسىم- جومارت توقايەۆ.
سونىمەن قاتار پرەزيدەنت اسكەري تەحنيكا مەن مۇلىكتى زاۋىتتار دەڭگەيىندە جوندەۋ مۇمكىندىكتەرىن ارتتىرۋدى تاپسىردى. بۇل باعىتتا ەلەمىزدەگى ءتيىستى وندىرىستەردىڭ الەۋەتى زور.
بۇدان بۇرىن حابارلانعانداي، مەملەكەت باسشىسى قاسىم- جومارت توقايەۆتىڭ قاتىسۋىمەن وتەتىن بۇكىل ارميالىق كەڭەستىڭ وتىرىسى باستالدى.
قورعانىس ءمينيسترى رۋسلان جاقسىلىقوۆ 250 اسكەري قىزمەتشى افريكاداعى ميسسياعا دايىندالىپ جاتقانىن ايتتى.
