ەرالى توعجانوۆ اقىن تولەگەن ايبەرگەنوۆتىڭ ەسكەرتكىشىنە گۇل شوقتارىن قويدى
بۇگىن وبلىس اكىمى ەرالى توعجانوۆ، اقىندار، جازۋشىلار جانە زيالى قاۋىم وكىلدەرى كورنەكتى اقىن تولەگەن ايبەرگەنوۆتىڭ رۋحىنا تاعزىم ەتىپ، قۇرمەت كورسەتتى.
گۇل شوقتارىن قويۋ ءراسىمى بارىسىندا ءوڭىر باسشىسى قازاق دالاسىنىڭ قاسيەتتى توپىراعىندا قانشاما تالانتتار تۋعان بولسا، تولەگەن ايبەرگەنوۆ سول تالانتتاردىڭ بىرەگەيى دەپ اتاپ ءوتتى.
«شىن تالانت قارتايماق ەمەس. سوندىقتان ۇلى شىعارماشىل قايراتكەرلەردىڭ ەسىمدەرى عاسىرلار بويى ءومىر ءسۇرىپ، ۇرپاقتان- ۇرپاققا بەرىلىپ كەلەدى. تولەگەن ايبەرگەنوۆ - ەشكىمگە ۇقسامايتىن ەرەكشە اقىن، ونىڭ شىعارماشىلىعىندا ادام رۋحىنىڭ كۇشى ايقىن كورىنەدى. ونىڭ ولمەس تۋىندىلارى جىلدان- جىلعا، عاسىردان- عاسىرعا وقىرماندار مەن تىڭداۋشىلاردى وزىنە باۋراۋدا. ونىڭ ەسىمى ۇمىتىلمايدى» ، - دەپ اتاپ ءوتتى ەرالى توعجانوۆ.
جازۋشى مەيىرحان اقداۋلەت ۇلى تاريحي جادتى ساقتاۋ ەڭ الدىمەن وسكەلەڭ ۇرپاق ءۇشىن ماڭىزدى ەكەنىن العا تارتتى.
«ەرتەڭىمىز بۇگىننەن باستالادى. ال ءبىزدىڭ «بۇگىن» ۇلى، كۇشتى تۇلعالارىمىزبەن «كەشە» قالىپتاسقان. ولار تۋرالى ەستەلىك، ەڭ الدىمەن، بولاشاق ۇرپاقتىڭ يگىلىگى ءۇشىن، جاس قازاقستاندىقتاردىڭ رۋحى مىقتى بولۋى ءۇشىن، ار- وجدان، ار- نامىس بار ەكەنىن ءتۇسىنىپ، ولاردان اسىپ كەتپەۋى ءۇشىن، ماڭگىلىك قۇندىلىقتاردى وتكىنشى قۇندىلىقتاردان اجىراتا ءبىلۋى ءۇشىن ساقتالۋى كەرەك» ، - دەيدى قوعام قايراتكەرى.
شارا بارىسىندا № 21 مەكتەپ- گيمنازياسىنىڭ وقۋشىلارى اقىننىڭ ولەڭدەرىن وقىدى.
تولەگەن ايبەرگەنوۆ 1937 -جىلى تۋعان. اقىن كوزى تىرىسىندە تەك ەكى ولەڭدەر جيناعىن شىعارا الدى، ءۇشىنشى كىتاپ قايتىس بولعاننان كەيىن ءبىر جىل وتكەن سوڭ - 1968 -جىلى جارىق كوردى. تولەگەن ايبەرگەنوۆتىڭ جارقىن، ەرەكشە شىعارماشىلىعى قازاقستاننىڭ قازىرگى پوەزياسىندا بەرىك ورىن الدى.
اقتوبەدەگى اقىننىڭ ەسكەرتكىشى 2021 -جىلى ورناتىلدى.
