وڭتۇستىك كورەيا قازاقستاندا زاۋىت سالادى

استانا. قازاقپارات- وڭتۇستىك كورەيا مەن قازاقستان فارماتسيەۆتيكا، تەمەكى ءوندىرىسى جانە اۋىل شارۋاشىلىعى سالالارىنداعى بايلانىستى نىعايتپاق. سولتۇستىك چوللا پروۆينتسياسىنا الماتى وبلىسىنان ارنايى دەلەگاتسيا باردى.

سولتۇستىك چوللا پروۆينتسياسى مەن الماتى وبلىسىنىڭ تابيعاتتارى ۇقساس. بۇل ايماقتا 2 ميلليونعا جۋىق ادام تۇرادى. جانە مۇندا اۋىل شارۋاشىلىق سالاسى جاقسى دامىعان. سولتۇستىك چوللا - كوكونىس پەن جەمىستىڭ وڭتۇستىك كورەيانىڭ ەڭ ءىرى ءوندىرۋشىسى. سوندىقتان كەلىسسوزدەر نەگىزىنەن اگروونەركاسىپ كەشەنىندەگى ىنتىماقتاستىق تۋرالى بولدى.

وڭتۇستىك كورەيانىڭ اۋىلدارىندا ماماندار تاپشى. سوندىقتان 2021 -جىلدان باستاپ ۇكىمەت 39 جاسقا دەيىنگى جاستاردى اقىلدى فەرمالاردى باسقارۋعا تەگىن ۇيرەتە باستادى. ولار 2 جىل وقىپ، ايىنا 700 دوللارداي شاكىرتاقى الادى. ال وقۋدى بىتىرگەننەن كەيىن تۇلەكتەرگە جەڭىلدىكپەن جەر جالعا بەرىلەدى. جاس مامان اقىلدى فەرمانىڭ كومەگىمەن 3 جىلدا 100000 دوللارعا دەيىن تابىس تابا الادى. وقۋ ورتالىعىنىڭ قۇرىلىسىنا 89 ميلليون دوللار جۇمسالعان. بۇل قارجىنىڭ 70 پايىزى مەملەكەتتىك بيۋدجەتتەن، 30 پايىزى جەرگىلىكتى قازىنادان بولىنگەن.

مارات سۇلتانعازيەۆ، الماتى وبلىسىنىڭ اكىمى:

- بىزگە دە ول وتە قولايلى ويتكەنى بۇگىنگى كۇنگە جاستار كوبىسى جەرمەن اينالىسقىسى كەلەدى، قايتادان اۋىلعا قايتقىسى كەلەدى. ءبىراق وعان ءبىلىم كەرەك، بۇگىنگى تەحنولوگيالارعا، بۇگىنگى زاماناۋي ءبىلىم كەرەك.

كورەيالىقتار الماتى وبلىسى، قاراساي اۋدانىندا زاۋىت سالۋ ماسەلەسىن تالقىلادى. جوبا كەلەسى ايدا باستالادى دەپ جوسپارلانۋدا. زاۋىت الداعى ۋاقىتتا فارماتسيەۆتيكالىق ونىمدەر شىعارۋدى جوسپارلاپ وتىر.

مارات سۇلتانعازيەۆ، الماتى وبلىسىنىڭ اكىمى:

- 500 ادام جوعارى جۇمىس ورىندارى بولادى. ەكىنشى جاعىنان ەگەر مىناۋ كلاسسيكالىق تەمەكىنى شىعاراتىن بولسا بىزدە وزدەرىڭىز بىلەسىزدەر، بۇرىن الماتى وبلىسىندا كوپ تەمەكى وسىرىلەتىن. اۋىل شارۋاشىلىقتاردىڭ، كولحوزداردىڭ كوبىسى تەمەكى مەن اينالىساتىن، بۇگىنگى كۇنگە ول بىزدە ءوندىرىس جوق، تەمەكى ءوندىرىسى. سونى قايتادان دامىتۋعا مۇمكىندىكتەر بەرەدى.

مەن كەن حو، تەمەكى زاۋىتىنىڭ ديرەكتورى:

- الماتى وبلىسى اكىمدىگىمەن بىرلەسىپ تەمەكى سالاسىن دامىتامىز. تەحنيكالىق مۇمكىندىكتەرىمىز بەن ساپامىزدى پايدالانا وتىرىپ، ءبىز زاۋىت سالامىز. وندىرىستە قازاقستاندىق جانە يمپورتتىق شيكىزاتتى پايدالاناتىن بولامىز. بۇگىن رەسەيدە، تۇركيادا، يندونەزيادا زاۋىتتارىمىز بار.

قازاقستان مەن كورەيا مادەني سالادا دا ىنتىماقتاستىقتى تەرەڭدەتۋگە كەلىستى. وسى ماقساتتا كەلەر ايدا پروۆينتسيا دەلەگاتسياسى قونايەۆقا كەلەدى. ال قاراشا ايىندا سولتۇستىك چوللادا الماتى وبلىسىنىڭ ءىرى كومپانيالارىنىڭ قاتىسۋىمەن بيزنەس- فورۋم وتكىزۋ جوسپارلاندى.

www.24.kz