قاسىم-جومارت توقايەۆ تاجىكستان پرەزيدەنتى ەمومالي راحموندى اۋەجايدان شىعارىپ سالدى
ايتا كەتەيىك، كەشە پرەزيدەنت قاسىم-جومارت توقايەۆ قازاقستانعا مەملەكەتتىك ساپارمەن كەلگەن تاجىكستان پرەزيدەنتى ەمومالي راحموندى ەلوردا اۋەجايىندا قارسى العان بولاتىن.
شاعىن جانە كەڭەيتىلگەن قۇرامدا وتكەن ەكىجاقتى كەلىسسوزدەردىڭ قورىتىندىسى بويىنشا قاسىم-جومارت توقايەۆ پەن ەمومالي راحمون بۇقارالىق اقپارات قۇرالدارى وكىلدەرى ءۇشىن بريفينگ وتكىزدى. ەكى ەل پرەزيدەنتىنىڭ ب ا ق وكىلدەرى ءۇشىن بىرلەسكەن باسپا ءسوز مالىمدەمەسىن وقىرمان نازارىنا ۇسىنعان بولاتىنبىز.
بۇگىن تاجىكستان پرەزيدەنتى ەمومالي راحمونوۆ مەملەكەت باسشىسى قاسىم-جومارت توقايەۆپەن اقوردادا وتكەن كەڭەيتىلگەن قۇرامداعى كەلىسسوز كەزىندە بيىل قازاقستان تاجىكستاننىڭ نەگىزگى ساۋدا سەرىكتەسىنە اينالۋى مۇمكىن ەكەنىن ايتتى.
مەملەكەت باسشىسى قاسىم-جومارت توقايەۆ تاجىكستان پرەزيدەنتى ەمومالي راحمونمەن بىرلەسكەن مالىمدەمەسىندە دۋشانبەدە وتەتىن ورتالىق ازيا ەلدەرى باسشىلارىنىڭ سامميتىنە قاتىساتىنىن راستادى.
سونداي-اق، قازاقستان رەسپۋبليكاسى مەن تاجىكستان رەسپۋبليكاسى اراسىنداعى وداقتاستىق ءوزارا ءىس-قيمىل تۋرالى دەكلاراتسيا قابىلداندى.
