بوكسشى ءساناتالى تولتايەۆ الەم چەمپيوناتىن اياقتادى

استانا. قازاقپارات - وزبەكستان استاناسى تاشكەنتتە بوكستان ەرلەر اراسىندا ءوتىپ جاتقان الەم چەمپيوناتىندا ءساناتالى تولتايەۆ 1/8 فينالعا شىعا المادى، دەپ حابارلايدى قازاقپارات ءتىلشىسى.
None

قازاقستاندىق بوكسشى 63,5 كەلىگە دەيىنگى سالماقتا 1/16 فينالدا ماۆريكيا وكىلى ريشارنو كولينمەن جۇدىرىقتاستى.

ماۆريكيالىق بوكسشىنىڭ بويى دا، قولى دا ۇزىن بولعاندىقتان، ءساناتالى ءۇشىن قولايسىز ءتيدى. تورەشىلەر شەشىمىمەن جەڭىس قارسىلاسىنىڭ ەنشىسىندە كەتتى.

ر. كولين 1/8 فينالدا وزبەكستان نامىسىن قورعاپ جۇرگەن قازاق جىگىتى رۋسلان ابدۋللايەۆپەن شەبەرلىك بايقاسادى. ول يسپانيالىق كوندە ويەر يباررەچەنى ءبىرىنشى راۋندتا-اق ەكى رەت نوكداۋنعا جىبەرىپ، مەرزىمىنەن بۇرىن ۇتتى.

بۇگىن سونداي-اق اسا اۋىر سالماقتا قامشىبەك قوڭقابايەۆ رينگكە شىعىپ، رەسەيلىك الەكسەي درونوۆپەن شەبەرلىك بايقاسادى.

ەسكە سالا كەتەيىك، بۇدان بۇرىن بوكستان الەم چەمپيوناتىندا ساعىندىق توعامبايدىڭ قارسىلاسىن نوكاۋتپەن ۇتقانىن جازعان بولاتىنبىز.

سونداي-اق ءساناتالى تولتايەۆ كەلەسى كەزەڭگە جولداما الدى.

تالعات سىرىمبەتوۆ ازيا چەمپيونىنا جول بەردى.

سوڭعى جاڭالىقتار