تاجىكستان پرەزيدەنتىنىڭ استاناعا ساپارى: قانداي قۇجاتتارعا قول قويىلدى
قول قويىلعان قۇجاتتار:
1. قازاقستان رەسپۋبليكاسى مەن تاجىكستان رەسپۋبليكاسى اراسىنداعى وداقتاستىق ءوزارا ءىس-قيمىل تۋرالى دەكلاراتسياسى؛
2. قازاقستان رەسپۋبليكاسى پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتى مەن تاجىكستان رەسپۋبليكاسى پرەزيدەنتى جانىنداعى ستراتەگيالىق زەرتتەۋلەر ورتالىعى اراسىنداعى ىنتىماقتاستىق تۋرالى مەموراندۋم؛
3. قازاقستان رەسپۋبليكاسىنىڭ قارجى مينيسترلىگى مەن تاجىكستان رەسپۋبليكاسىنىڭ ۇكىمەتى جانىنداعى كەدەن قىزمەتى اراسىنداعى قازاقستان رەسپۋبليكاسى مەن تاجىكستان رەسپۋبليكاسى اراسىندا وتكىزىلەتىن تاۋارلار مەن كولىك قۇرالدارى تۋرالى الدىن الا مالىمەتتەر الماسۋدى ۇيىمداستىرۋ تۋرالى حاتتاما؛
4. تۇركىستان (قازاقستان رەسپۋبليكاسى) جانە حۋدجاند (تاجىكستان رەسپۋبليكاسى) قالالارى اراسىندا باۋىرلاستىق قاتىناستار ورناتۋ تۋرالى مەموراندۋم؛
5. قازاقستان رەسپۋبليكاسىنىڭ مادەنيەت جانە سپورت مينيسترلىگى مەن تاجىكستان رەسپۋبليكاسىنىڭ ۇكىمەتى جانىنداعى ءتۋريزمدى دامىتۋ كوميتەتى اراسىنداعى تۋريزم سالاسىنداعى ىنتىماقتاستىق تۋرالى جول كارتاسى؛
6. قازاقستان رەسپۋبليكاسىنىڭ اۋىل شارۋاشىلىعى مينيسترلىگى مەن تاجىكستان رەسپۋبليكاسىنىڭ اۋىل شارۋاشىلىعى مينيسترلىگى اراسىنداعى 2023-2025-جىلدارعا ارنالعان اۋىل شارۋاشىلىعى سالاسىنداعى ىنتىماقتاستىقتى جانداندىرۋ جونىندەگى جول كارتاسى؛
7. قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى مەن تاجىكستان رەسپۋبليكاسىنىڭ ونەركاسىپ جانە جاڭا تەحنولوگيالار مينيسترلىگى اراسىنداعى 2023-2024-جىلدارعا ارنالعان ونەركاسىپ جانە يننوۆاتسيالار سالاسىنداعى ءوزارا ءىس-قيمىلدىڭ بىرلەسكەن جوسپارى؛
8. قازاقستان رەسپۋبليكاسىنىڭ ساۋدا جانە ينتەگراتسيا مينيسترلىگى مەن تاجىكستان رەسپۋبليكاسىنىڭ ۇكىمەتى جانىنداعى ەكسپورت اگەنتتىگى اراسىنداعى ءوزارا تۇسىنىستىك تۋرالى مەموراندۋم؛
9. قازاقستان رەسپۋبليكاسى سىرتقى ىستەر مينيسترلىگى مەن تاجىكستان رەسپۋبليكاسى سىرتقى ىستەر مينيسترلىگى اراسىنداعى 2023-2025-جىلدارعا ارنالعان ىنتىماقتاستىق باعدارلاماسى.
ايتا كەتەيىك، كەشە قاسىم-جومارت توقايەۆ قازاقستانعا مەملەكەتتىك ساپارمەن كەلگەن تاجىكستان پرەزيدەنتى ەمومالي راحموندى ەلوردا اۋەجايىندا قارسى العان بولاتىن.
ال 3- مامىردا قازاقستان-تاجىكستان بيزنەس-فورۋمىندا ءبىرقاتار ماڭىزدى قۇجاتقا قول قويىلدى.
بۇگىن قوس ەلدىڭ باسشىلارى شاعىن قۇرامداعى كەلىسسوز وتكىزدى. ءوز كەزەگىندە ە. راحمون استاناعا مەملەكەتتىك ساپارمەن كەلۋگە شاقىرعانى جانە قازاق حالقىنىڭ ءداستۇرلى قوناقجايلىعى ءۇشىن قاسىم-جومارت توقايەۆقا العىس ايتتى.
