مەملەكەت باسشىسى اقوردادا تاجىكستان پرەزيدەنتىن قارسى الدى

استانا. قازاقپارات - اقوردادا قازاقستان رەسپۋبليكاسىنىڭ پرەزيدەنتى قاسىم- جومارت توقايەۆ پەن تاجىكستان پرەزيدەنتى ەمومالي راحموننىڭ كەزدەسۋى باستالدى، دەپ حابارلايدى قازاقپارات ءتىلشىسى.

تاجىكستان پرەزيدەنتىنىڭ مەملەكەتتىك ساپارىنا وراي، سالتاناتتى راسىمدەر زالىندا قۇرمەت قاراۋىلى ساپ تۇزەپ، ونىڭ باستىعى مەملەكەت باسشىلارىنا سالەمدىك بايانات بەردى. وسىدان كەيىن پرەزيدەنتتىك وركەستر ەكى ەلدىڭ مەملەكەتتىك ءانۇراندارىن ورىندادى.

ءانۇرانداردى تىڭداپ بولعاننان كەيىن ەمومالي راحمونوۆ پەن قاسىم- جومارت توقايەۆ كىلەمشە بويىمەن قازاقستان رەسپۋبليكاسىنىڭ مەملەكەتتىك تۋىنا قاراي ءجۇردى. ونىڭ الدىنا كەلگەندە مەيمان توقتاپ، باسىن ءسال ءيىپ، ءوزىنىڭ قۇرمەتىن ءبىلدىردى. سونان سوڭ مەيمان مەن پرەزيدەنت قۇرمەتتى قاراۋىل ساپىنىڭ بويىمەن ءجۇردى. تاجىكستان باسشىسى قۇرمەتتى قاراۋىل باستىعىمەن قوشتاسىپ، قازاقستان پرەزيدەنتىمەن شاعىن قۇرامداعى كەزدەسۋگە ءوتتى.

جالپى، ساپار اياسىندا جوعارى دەڭگەيدە ەكىجاقتى كەلىسسوزدەر جۇرگىزىلىپ، ءبىرقاتار ماڭىزدى قۇجاتقا قول قويىلادى دەپ جوسپارلانىپ وتىر.

ايتا كەتەيىك، كەشە پرەزيدەنت قاسىم- جومارت توقايەۆ قازاقستانعا مەملەكەتتىك ساپارمەن كەلگەن تاجىكستان پرەزيدەنتى ەمومالي راحموندى ەلوردا اۋەجايىندا قارسى الدى.

ال، 3- مامىردا قازاقستان- تاجىكستان بيزنەس- فورۋمىندا ءبىرقاتار ماڭىزدى قۇجاتقا قول قويىلعان بولاتىن.