قازاقتاردىڭ ار-نامىسىن قورلاپ، ۇلتارالىق ارازدىق تۋدىرعان پاۆلودارلىق سوتتالدى
پاۆلودارداعى №2-سوتتىڭ باسپا ءسوز قىزمەتىنىڭ مالىمەتىنشە، سوت 2023 -جىلعى 24-ساۋىردە ك. ۆ.-عا قاتىستى ۇلتتىق الاۋىزدىقتى قوزدىرۋ جانە ۇلتتىق ار-نامىس پەن قادىر-قاسيەتتى قورلاۋ فاكتىسى بويىنشا قىلمىستىق ءىستى قارادى (ق ك 174-بابىنىڭ 1-بولىگى).
«2023 -جىلدىڭ 1-قاڭتارىندا ك. ۆ. ماساڭ كۇيدە WhatsApp مەسسەندجەرىنىڭ جالپى توبىنا ۇلتتىق الاۋىزدىقتى قوزدىرۋعا جانە قازاق ۇلتى وكىلدەرىنىڭ ار-نامىسى مەن قادىر-قاسيەتىن قورلاۋعا باعىتتالعان 3 داۋىستىق حابارلاما جولدادى»، - دەپ حابارلادى سوتتىڭ باسپا ءسوز قىزمەتى.
سوتتالۋشىنىڭ كىناسى كۋالاردىڭ ايعاقتارىمەن، قۇجاتتىق دالەلدەمەلەرمەن جانە ساراپتامالىق قورىتىندىلارمەن دالەلدەنگەن.
ك. ۆ. كىناسىن مويىندادى جانە باس بوستاندىعىنان ايىرماۋدى وتىنگەن.
ءىس بويىنشا قىلمىستىق كودەكسىنىڭ 174-بابىنىڭ 1-بولىگىندە نەگىزگى جازا رەتىندە ەڭ جوعارى مەرزىم 7 جىلعا دەيىن باس بوستاندىعىنان ايىرۋ كوزدەلگەن.
«جاسالعان قۇقىق بۇزۋشىلىقتىڭ اۋىرلىعىن، كىناسىن تولىق مويىنداۋىن جانە شىن جۇرەكتەن وكىنۋىن، اسىراۋىندا ەكى جاس بالانىڭ بولۋىن ەسكەرە وتىرىپ، سوت ك. ۆ.-عا - 4 جىل باس بوستاندىعىنان ايىرۋ جازاسىن تاعايىندادى»، - دەپ حابارلادى ۆەدومستۆو.
ۇكىم ءالى زاڭدى كۇشىنە ەنگەن جوق.
سونداي-اق، اتالاعان وڭىردە موڭعوليادان كەلگەن قانداستاردى بالاعاتتاعان پاۆلودارلىق ايەل جازاعا تارتىلدى. بۇعان قوسا، ول پاۆلوداردىڭ اتىن وزگەرتۋگە قارسى پىكىر ايتقان.
قانداستاردى بالاعاتتاعان پاۆلودارلىق ايەلدىڭ ۇستىنەن ۇلتارالىق ارازدىق تۋدىرعانى ءۇشىن قىلمىستىق ءىس قوزعالدى.
1-مامىردا الەۋمەتتىك جەلىلەرگە مونيتورينگ جۇرگىزۋ بارىسىندا Instagram جەلىسىندەگى @nastya_brovkapvl پاراقشاسىندا بويجەتكەن بالاعات سوزدەر ايتىپ، موڭعول حالىق رەسپۋبليكاسىنان كەلگەن قانداستار تۋرالى تەرىس پىكىر بىلدىرگەن ۆيدەو جاريالاعان. بۇل دەرەك پاۆلودار قالاسى پ د سولتۇستىك پوليتسيا بولىمىندە تىركەلدى.
قۇقىقبۇزۋشى انىقتالدى. ول 27 جاستاعى پاۆلودارلىق ايەل بولىپ شىقتى. ونىڭ ۇستىنەن ق ر قىلمىستىق كودەكسىنىڭ 174-بابى («الەۋمەتتىك، ۇلتتىق، رۋلىق، ناسىلدىك، تاپتىق نەمەسە ءدىني ارازدىقتى قوزدىرۋ») بويىنشا سوتقا دەيىنگى تەرگەۋ باستالدى. قاجەتتى ساراپتاما تاعايىندالدى»، - دەپ مالىمدەدى پاۆلودار وبلىسىنىڭ پ د باستىعى ۆاسيلي سكليار.
سونىمەن قاتار، الەۋمەتتىك جەلىدە ادەپسىز سوزدەر ايتقانى ءۇشىن وعان ا ق ب ت ك 434-بابىنىڭ 1-بولىگى بويىنشا 20 ا ە ك (69 مىڭ تەڭگە) كولەمىندە اكىمشىلىك ايىپپۇل سالىندى.
ايتا كەتسەك، ناستيا بروۆكا اتتى ايەل قانداستارعا عانا ەمەس، باسقا دا «جاڭادان كەلگەندەرگە» ءتىل تيگىزگەن. بۇعان قوسا، ول پاۆلوداردىڭ اتىن وزگەرتۋگە قارسى پىكىر ايتقان. ول ءار سوزىندە بالاعات سوزدەردى كوپ قولدانعان.
